Хууль зүй, дотоод хэргийн салбарын үйл ажиллагааг иргэдэд нээлттэй, ил тод хүргэх, санал хүсэлт, тулгамдаж буй асуудлыг сонсож, газар дээр нь шийдвэрлэх зорилго бүхий “Нээлттэй хаалганы өдөрлөг” 2026 оны 4 дүгээр сарын 27-29-ний өдрүүдэд Жанжин Д.Сүхбаатарын талбайд амжилттай зохион байгуулагдаж өндөрлөлөө.
Гурван өдөр үргэлжилсэн тус өдөрлөгт иргэд, олон нийт идэвхтэй оролцож, өөрт хэрэгтэй мэдээлэл, зөвлөгөө, эрүүл мэндийн болон төрийн зарим лавлагаа үйлчилгээг газар дээрээс нь шуурхай авч чадсандаа талархалтай байсан юм.
Иргэдэд үзүүлсэн үйлчилгээний тоон мэдээллээс онцолвол:
- Төрийн тусгай албан хаагчдын эмнэлэг 4000 гаруй иргэнд эрүүл мэндийн зөвлөгөө, үзлэг, оношилгоо, шинжилгээг хийсэн.
- Хил хамгаалах ерөнхий газраас иргэдэд танилцуулсан авто машин, техникийн үзвэрийг 1500 гаруй иргэн үзэж, 508 иргэнд зөвлөгөө мэдээлэл өгчээ.
- Шүүхийн шийдвэр гүйцэтгэх байгууллагаас 1000 гаруй иргэнд үйлчилгээ үзүүлсэн.
- Улсын бүртгэлийн ерөнхий газар 869 иргэнд мэдээлэл лавлагаа өгсөн байна.
- Цагдаагийн байгууллагаас жолоочийн үнэмлэх хэвлэх автомат киоск машин ажиллуулж, 224 иргэнд жолоочийн үнэмлэхийг хэвлэж олгожээ.
- Хууль зүйн туслалцааны төвөөс 457 иргэнд үнэ төлбөргүй хууль зүйн зөвлөгөө өгсөн байна.
Сэтгэгдэл (0)
Сэтгэгдэл бичигдээгүй байна