Хүн төрөлхтний онгод авьяас, сэтгэл зүрх, оюун ухаанаа шингээн бүтээсэн ном судрыг хадгалдаг ариун нандин газар бол номын сан юм.
Хамгийн алдартай, гоёмсог, эртний зарим номын сангийн талаар танилцуулж байна.
1. АНУ-ын Конгрессийн номын сан
Дэлхийн хамгийн том номын санд Монгол Улсын иргэн, хэл шинжлэлийн ухааны доктор Мягмарын Саруул-Эрдэнэ номын санчаар ажилладгийг эн тэргүүнд дурдах нь зүйтэй байх. Конгрессын номын сан 1800 оны 4 дүгээр сарын 24-нд нээгдсэн. 470 хэл дээрх ном, товхимол, баримт бичиг, эх сурвалжууд байдаг. Тус номын сангийн катологид 165 сая орчим бүтээл байдаг бөгөөд цаасан ном, гар бичмэл, хөгжим, зураг, видео, аудио бичлэгүүд байдаг.
2. Испанийн Эль-Эскориал хийдийн номын сан
Испанийн Эль-Эскориал хийдийн номын сангийн барилга угсралтын ажлыг 1563 онд Испанийн хаан II Филипп захиалан хийлгэсэн байдаг.
3. Австрийн “Эдмонт” номын сан
Австрийн Эдмонт хотод байрлах “Эдмонт Эббе” номын сан нь 1074 онд баригдаж эхэлсэн боловч 1774 онд барилга нь дууссан байна.
4. АНУ-ын Жорж Пибодигийн номын сан
АНУ-ын Жонс Хопкинсийн их сургуулийн эзэмшдэг Пибоди хөгжмийн консерваторийн кампус дахь Жорж Пибодигийн номын сан нь буяны ажилтан Жорж Пибодигийн захиалгаар 1878 онд баригдсан.
5. Чехийн Страховын номын сан
1679 онд баригдсан энэ гоёмсог номын санд байнгын үйлчлүүлэгчээс өөр хүн нэвтрэх боломжгүй. Үүний шалтгаан нь чийгшилтэй холбоотой бөгөөд таазны үзэсгэлэнт зураг элэгдэж болзошгүй гэж үздэг ажээ.
Сэтгэгдэл (0)
Сэтгэгдэл бичигдээгүй байна