Хууль зүй дотоод хэргийн сайд С.Амарсайхан EF EFEKTA компанийн Засгийн газрын харилцаа, судалгаа хариуцсан ерөнхийлөгч Др Стефания Жианини, EFEKTA Боловсролын Группийн Тэргүүн дэд ерөнхийлөгч Саранжит Сангар, EFEKTA боловсролын группийн Сургалт хариуцсан захирал Др Кристофер МакКормик, Монгол дах албан төлөөлөгч Т.Хишигжаргал нарыг өнөөдөр /2026.04.13/ хүлээн авч уулзжээ.
Уулзалтаар хамтран хэрэгжүүлж буй “EF EFEKTA” төслийн явц, үр дүн, цаашид анхаарах зүйлс, ирээдүйн боловсролын чиг хандлага зэрэг асуудлаар ярилцаж, харилцан санал солилцсон байна.
Багануур, Налайх, Баганхангай дүүрэгт EF EFEKTA компанитай хамтран хэрэгжүүлж байгаа Хиймэл оюун ухаанд суурилсан англи хэлний хөтөлбөр амжилттай хэрэгжиж байгаа аж.
Уг хөтөлбөрийг өргөжүүлж хууль зүйн салбарын 30 гаруй мянган албан хаагч, ДХИС-ийн 4000 гаруй оюутныг хиймэл оюун ухаанд суурилсан онлайн англи хэлний төсөлд хамруулж, ойрын хугацаанд эхлүүлэх саналыг Хууль зүй, дотоод хэргийн сайд тавьсан байна.
“EF EFEKTA” компанийн Засгийн газрын харилцаа, судалгаа хариуцсан ерөнхийлөгч Стефания Жианини хиймэл оюун ухаанд суурилсан “EF EFEKTA” төсөлд салбарын алба хаагчдаа хамруулах хүсэлтийг хүлээн авч шийдвэрлэхээ илэрхийлээд Нийслэлийн гурван дүүрэгт хамрагдаж буй хүүхдүүдийн амжилт, хиймэл оюун ухаанд суурилсан, онлайн англи хэлний сургалтын төслийг Монгол орон даяар эхлүүлэхэд түлхэц болно гэдгийг тодотгожээ.
Efekta нь EF Education First-ийн 60 жилийн туршлагатай, 116 улсын 24 сая гаруй хүнд англи хэл заасан, дэлхийн хамгийн том хиймэл оюунд суурилсан англи хэлний сургалтын платформ юм.
Сэтгэгдэл (0)
Сэтгэгдэл бичигдээгүй байна