Санхүүгийн зохицуулах хорооны ээлжит хуралдаан өчигдөр /2026.03.26/ болж, хуулийн этгээдээр бүртгэх, үнэт цаасны бүртгэлд өөрчлөлт оруулах, тусгай зөвшөөрөл олгох, түдгэлзүүлэх, хүчингүй болгох болон бүртгэлийн өөрчлөлт хийхтэй холбоотой нийт 24 асуудал хэлэлцэн шийдвэрлэв.
Хуралдаанаар үнэт цаасны зах зээлд оролцогчид аудитын үйлчилгээ үзүүлэх хуулийн этгээдээр 1 компанийг, уул уурхайн бүтээгдэхүүний биржийн арилжааны зуучлагчийн үйл ажиллага эрхлэх болон хөрөнгөөр баталгаажсан үнэт цаас гаргах, хөрөнгө оруулалтын менежментийн үйл ажиллагаа эрхлэх тусгай зөвшөөрлийг тус тус 1 компанид олгохоор, нийслэлийн Засаг даргын нийтэд санал болгон гаргаж буй бондыг бүртгэхээр шийдвэрлэсэн байна.
Мөн банк бус санхүүгийн зээл олгох үйл ажиллагаа эрхлэх тусгай зөвшөөрлийг 1 компанид, урт хугацааны даатгалын үйл ажиллагаа эрхлэх болон даатгалын зуучлагчийн үйл ажиллагаа эрхлэх тусгай зөвшөөрлийг тус тус 1 компанид, үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрлийг 2 компанид, үнэт металл, үнэт чулууны эсхүл тэдгээрээр хийсэгн эдлэлийн арилжаа эрхлэгчийн үйл ажиллагаа эрхлэх тусгай зөвшөөрлийг нэр бүхий 3 иргэнд олгохоор болжээ.
Түүнчлэн 1 компанийн хувь нийлүүлсэн хөрөнгийн хэмжээ, хувьцаа эзэмшигчийн бүтэц, бүрэлдэхүүнд өөрчлөлт оруулахыг, 2 компанийн хувийн хөрөнгө оруулалтын санг үүсгэн байгуулах баримт бичгийг бүртгэхээр, 2 хадгаламж зээлийн хоршоо, 1 банк бус санхүүгийн байгууллагын үйл ажиллагаа эрхлэх тусгай зөвшөөрлийг хүчингүй болгохоор тус тус шийдвэрлэсэн байна.
Сэтгэгдэл (0)
Сэтгэгдэл бичигдээгүй байна