ЗЭВСЭГ, ТЕХНИКИЙН ҮЗЭСГЭЛЭН ГАРЧ, ЭМЧ НАР ҮЗЛЭГ, ЗӨВЛӨГӨӨ ӨГЧ БАЙНА

Монгол цэргийн өдөр, орчин цагийн Зэвсэгт хүчин үүсэж хөгжсөний 105 жилийн ойг тохиолдуулан “Нээлттэй хаалганы өдөрлөг” Д.Сүхбаатарын талбайд өчигдөр /2026.03.17/ эхэлжээ.

Энэхүү өдөрлөгөөр Зэвсэгт хүчний шинэчлэл, хүчин чадлыг илтгэх зэвсэглэл, цэргийн техник, тусгай зориулалтын автомашин болон орчин үеийн нисгэгчгүй нисэх төхөөрөмжүүдийг олон нийтэд анх удаа өргөн хүрээнд дэлгэн үзүүлж буйгаар онцлог болж байна.

Иргэд, залуу хойч үеийнхэн тус үзэсгэлэнгээс эх орныхоо батлан хамгаалах чадавхтай биечлэн танилцаж, техник хэрэгслийг ойроос үзэж сонирхох боломжтой юм. 

Зөвхөн үзэсгэлэн гараад зогсохгүй, Батлан хамгаалах салбарын байгууллагууд иргэдэд

• Архивын лавлагаа гаргах, цэргийн үүрэгтний бүртгэл хийх;
• Цэргийн төв эмнэлгийн эмч нарын үзлэг, зөвлөгөө;
• ҮБХИС-ийн элсэлтийн мэдээлэл, Монгол цэргийн музейн ховор үзмэрүүд;
• “Соёмбо” сонины тусгай дугаар болон салбарын бодлогын танилцуулга зэрэг төрийн үйлчилгээг газар дээр нь үзүүлж байна.

Нээлттэй хаалганы өдөрлөг 3 дугаар сарын 19-ний өдөр хүртэл үргэлжилнэ.