ИЗНН дотроо хуваагдаж, хоёр ч даргатай болсон талаар мэдээлэгдэж байгаа. Энэ асуудлаар ИЗНН-ын дарга, УИХ-ын гишүүн, ИЗНН-ын дарга Б.Батбаатар " Өнөөдөр Иргэний Зориг Ногоон намын 26 жилийн ой тохиож байна. Намынхаа гишүүдтэй баяраа тэмдэглэн, өнгөрсөн замналаа дүгнэж, ирээдүйн зорилгоо ярилцаж байна.Гэтэл яг энэ өдөр намын нэрийг барьж, хаа нэгтээ цуглан “намын даргыг хөөлөө”, “шинэ дарга сонголоо” гэх улс төрийн жүжиг зохион байгуулж байгаа нь үнэхээр харамсалтай.
Иргэний Зориг Ногоон нам бол 26 жилийн түүх, үнэт зүйлтэй улс төрийн хүчин. Энэ намыг хэн нэгэн цөөн хүн хаалганы цаана хуралдаад “солих”, “хуваах”, “булаах” эрх байхгүй.
Намын дүрэм, Монгол Улсын хуульд нийцээгүй аливаа шийдвэр хүчин төгөлдөр биш.
Миний бие Иргэний Зориг Ногоон намын даргын хувьд намынхаа гишүүд, дэмжигчдийн итгэлийг хамгаалж, намын үйл ажиллагааг дүрэм, хуулийн хүрээнд тууштай үргэлжлүүлнэ.
Улс төрд янз бүрийн оролдлого гарч болно.
Гэхдээ арга ядсан улс төрийн жүжгээр 26 жилийн түүхийг нураах боломжгүй." гэжээ.
Сэтгэгдэл (0)
Сэтгэгдэл бичигдээгүй байна