Монгол Улсад хурандаа цол олгож эхэлсний 90 жилийн ой, "Монгол хурандаа" нийгэмлэгийн 20 жилийн ойд зориулсан хүндэтгэлийн арга хэмжээ болжээ.
Арга хэмжээний үеэр Монгол Улсын Их Хурал, Засгийн газрын гишүүн, Батлан хамгаалахын сайд Д.Батлут мэндчилгээ дэвшүүлж, эх орныхоо тусгаар тогтнол, аюулгүй байдлын төлөө зүтгэсэн ахмад дайчид болон өнөөдөр үүрэг гүйцэтгэж буй нийт хурандаа нарт талархал илэрхийллээ.
Тэрбээр “Хурандаа” цол нь зөвхөн цэргийн зэрэглэл бус, төр, ард түмний итгэлийг хүлээсэн удирдагчийн хариуцлагын илэрхийлэл гэдгийг онцолж, хурандаа нар Батлан хамгаалах салбарын бодлого, Зэвсэгт хүчний хөгжил, сургалт бэлтгэл, шинэчлэлд үнэтэй хувь нэмэр оруулж ирснийг тэмдэглэлээ.
Арга хэмжээ нь хурандаа нарын гавьяа зүтгэлийг хүндэтгэн алдаршуулахын зэрэгцээ ирээдүйн Зэвсэгт хүчний хөгжилд тэдний манлайллыг үргэлжлүүлэх ач холбогдолтой юм.
Монгол Улсын Зэвсэгт хүчний түүхэнд хурандаа цол нь удирдах ур чадвар, стратегийн сэтгэлгээ, эх оронч үзлийн илэрхийлэл болсоор ирсэн эрхэм дээд офицерийн цол билээ.
Ахлах офицерийн хурандаа цол нь цэргийн анги, нэгтгэлийг манлайлан удирдах, төр улсын аюулгүй байдлыг хангах хариуцлагатай албыг илтгэдэг юм6
Сэтгэгдэл (0)
Сэтгэгдэл бичигдээгүй байна