Tөрийн болон албаны нууцын тухай хуулийн 14 дүгээр зүйлийн 14.1, 14.2-д заасны дагуу Аж үйлдвэр, эрдэс баялгийн яам албаны нууцын жагсаалтыг шинэчлэх, санал дүгнэлт боловсруулах чиг үүрэг бүхий ажлын хэсгийг 2025 оны 10 дугаар сарын 7-ны өдөр байгуулжээ. Ажлын хэсгээс тус яам, Ашигт малтмал, гарын тосны газар, Үндэсний геологийн албаны албаны нууцын жагсаалтын төслийг холбогдох санал, дүгнэлт, тайлбар, үндэслэлийн хамт Тагнуулын ерөнхий газарт 2025 оны 10 дугаар сарын 10-ны өдөр албан бичгээр санал, дүгнэлт авахаар хүргүүлсэн байна.
Тагнуулын ерөнхий газраас 2025 оны 12 дугаар сарын 2-ны өдөр ирсэн хариу, санал, дүгнэлтийг үндэслэн тус яамны албан нууцын жагсаалтад хамаарах 15 мэдээлэл байсныг 6 болгон хасжээ. Мөн Ашигт малтмал, гарын тосны газрын албаны нууцын жагсаалтад хамаарах 8 мэдээлэл байсныг 6, Үндэсний геологийн албаны албаны нууцын жагсаалтад хамаарах 15 мэдээлэл байсныг 5 болгож, Аж үйлдвэр, эрдэс баялгийн сайдын 2025 оны 12 дугаар сарын 19-ний өдрийн тушаалаар дээрх албаны нууцын жагсаалтыг шинэчлэн баталж, тус яамны цахим санд байршуулсан байна.
Сэтгэгдэл (0)
Сэтгэгдэл бичигдээгүй байна