АҮЭБЯ: АИ-92 БЕНЗИН 3180 ТОНН ОРЖ ИРСНИЙГ ӨРТӨӨНҮҮД ДЭЭР БУУЛГАЖ БАЙНА

Монгол Улсын хэмжээнд өнөөдрийн /2025.10.27/ байдлаар нийт 53 вагон буюу 3,180 тонн АИ-92 автобензин импортоор орж ирснийг холбогдох өртөөнүүд дээр буулгаж байна. 

1. Импортын хуваарилалт:

• Толгойт өртөө – 26 вагон
• Рашаант өртөө – 4 вагон
• Замд яваа (Сүхбаатар өртөөнөөс хөдөлсөн) – 23 вагон

2. Замд буй 23 вагоны чиглэл:

Сүхбаатар өртөөнөөс хөдөлсөн 23 вагон шатахууныг дараах  өртөөнүүд рүү тээвэрлэнэ.

• Рашаант өртөө – 4 вагон
• Улаанбаатар өртөө – 5 вагон
• Толгойт өртөө – 4 вагон
• Дархан өртөө – 5 вагон
• Сайншанд өртөө – 5 вагон

3. Импортын нийлүүлэлтийн нөхцөл байдал:

ОХУ-аас нийлүүлэх АИ-92 автобензиний хэмжээ эрс нэмэгдэж, ирэх өдрүүдэд ердийнхөөс хоёр дахин их хэмжээгээр импортлохоор төлөвлөж байна.

Мөн БНХАУ-аас худалдан авч буй АИ-92 автобензиний эхний ачилт өнөөдөр (2025.10.27) хийгдэж, Монгол Улсын нутаг дэвсгэрт ирэх лхагва гаригт (2025.10.29) орж ирнэ гэж Аж үйлдвэр, эрдэс баялгийн яамнаас мэдээллээ.