“Төрийн орон сууцны корпораци” ТӨХХК-аас сэрэмжлүүлэг гаргажээ.
Уг сэрэмжлүүлэгт "Төрийн орон сууцны корпораци" ТӨХХК-ийн хэрэгжүүлж буй төсөл хөтөлбөрүүдэд байгууллага болон албан хаагчдын нэрийг барин сонгон шалгаруулалтгүй орон сууцанд оруулна, бүртгэлд багтаана гэх зэргээр иргэдийг хохироож, залилах үйлдэл гарч болзошгүй байгаа тул сэрэмжлүүлэг хүргэж байна.
“Төрийн орон сууцны корпораци” ТӨХХК-ийн хэрэгжүүлж буй төсөл хөтөлбөрүүдэд сонгон шалгаруулалтгүй орох боломжгүй бөгөөд одоогийн байдлаар бүртгэл эхэлсэн, иргэдээс хүсэлт авч байгаа төсөл хөтөлбөр байхгүй болохыг албан ёсоор мэдэгдэж байна.
Бид аливаа бүртгэл болон орон сууцтай холбоотой мэдээллийг албан ёсны цахим хуудас www.tosk.gov.mn хаягаар хүргэдэг бөгөөд мэдээлэл авах шаардлагатай иргэд манай байгууллагын 7288-7788 дугаарын утсаар холбогдох эсхүл ажлын байранд биеэр ирж уулзах боломжтой юм.
Цаашид компанийн нэр хүндэд халдсан, албан хаагчдын нэрийг барьсан, иргэдээс мөнгө төгрөг нэхэх, залилах гэмт хэргийг таслан зогсоож, хууль хяналтын байгууллагад тухай бүрд нь шалгуулах болно. Залилагчид боломж бүү олго!" гэсэн байна.
Сэтгэгдэл (0)
Сэтгэгдэл бичигдээгүй байна