Байгаль орчин, уур амьсгалын өөрчлөлтийн сайд Б.Батбаатар Олон улсын байгаль хамгаалах сан /ICCF/-ийн төлөөлийг хүлээн авч уулзжээ.
Олон улсын байгаль хамгаалах сан /ICCF/-гийн төлөөллүүдийн зүгээс дархан цаазат газрыг хамгаалах, үндэсний жишиг парк байгуулах чиглэлээр БОУАӨЯ-д өмнө нь хүргүүлж байсан саналыг ажил хэрэг болгох чиглэлд хамтран ажиллах хүсэлтэй байгаагаа илэрхийлсэн байна. Тус сангийнхан дархан цаазат Богдхан ууланд үндэсний жишиг парк байгуулах төсөл боловсруулаад байгаа юм.
Б.Батбаатар сайдын зүгээс Богдхан ууланд үндэсний жишиг парк байгуулах төсөлтэй танилцаж ажил хэрэг болгох тал дээр анхаарал хандуулж ажиллахаа мэдэгджээ.
Талууд мөн байгаль хамгаалах чиглэлд хамтын ажиллагаагаа үргэлжүүлэх чиглэлд хэд хэдэн асуудлаар санал солилцсон байна.
Сэтгэгдэл (0)
Сэтгэгдэл бичигдээгүй байна