ИРГЭДИЙН САНАЛ: НИЙГМИЙН ХАЛАМЖ, СОЁЛ, СПОРТ, ЗАМ БАРИЛГА, ХУУЛЬ ЗҮЙН САЛБАРТ ХЭМНЭЛТ ХИЙХ ШААРДЛАГАТАЙ

Монгол Улсын 2026 оны төсвийн төсөлд олон нийтээс авсан саналын үр дүнг Засгийн газраас танилцуулжээ.

• Санал өгсөн иргэдийн 99.08 хувь нь E-Mongolia цахим систем ашиглажээ.
• Санал өгсөн иргэдийн 49.87 хувь нь 18-34 насныхан байна.
• Ирэх онд эрүүл мэнд, боловсролын салбарт төсвийг түлхүү зарцуулах ёстой гэж иргэд үзжээ.
• Төрийн захиргааны зардлыг бууруулах, нийгмийн халамжийн салбарт хэмнэлт хийх шаардлагатай гэж иргэд саналаа өгсөн байна. 

Эхний дөрөвт эрэмбэлэгдсэн саналуудыг жагсаажээ. Иргэд ирэх онд эрүүл мэнд, боловсрол, цахилгаан, дулаан, замын салбарт төсвийг түлхүү чиглүүлэх нь зүйтэй гэж үзсэн бол нийгмийн халамж, соёл, спорт, аялал жуулчлал, зам барилга, хууль зүйн салбарт хэмнэлт хийх шаардлагатай гэсэн байна. 

Төрийн захиргааны зардал бууруулах, ТӨК-ын зардлыг бууруулах, тоог цөөрүүлэх, халамжийн зардлыг танах, төрийн албан хаагчдын тоог хязгаарлах хэрэгтэй гэсний зэрэгцээ багш, эмч, цагдаагийн цалинг нэмэх хэрэгтэй гэж саналаа өгчээ. 

Үүнд: 

Ирэх онд төсвийг түлхүү чиглүүлэх нь зүйтэй гэж үзэж буй салбар 

• Эрүүл мэнд /26.44 хувь/
• Боловсрол /21.48 хувь/
• Цахилгаан, дулаан /17.95 хувь/ 
• Зам /7.17 хувь/

  

Хэмнэлт хийх шаардлагатай гэж үзэж буй салбар 

• Нийгмийн халамж /17.05 хувь/
• Соёл, спорт, аялал жуулчлал /16.3 хувь/
• Зам барилга /13.93 хувь/ 
• Хууль зүй /12.7 хувь/

  

Төсвийн үр ашгийг сайжруулах хүрээнд ямар бодлого хэрэгжүүлэх шаардлагатай талаар: 

• Төрийн захиргааны зардал бууруулах /27.68 хувь/
• ТӨК-ын зардлыг бууруулах тоог цөөлөх /23.26 хувь/
• Халамжийн зардлыг танах /16.74 хувь/
• Төрийн албан хаагчдын тоог хязгаарлах /15.17 хувь/

  

Ямар төрлийн хөрөнгө оруулалтыг 2026 онд шинээр эхлүүлэхгүй тэвчиж болно гэж үзэж байна вэ? 

• Соёлын төв /35.55 хувь/
• Дотуур байр /19.4 хувь/
• Инженерийн дэд бүтэц /12.02 хувь/
• Сургууль /8.41 хувь/

  

Татварын бодлогын дэмжлэг үзүүлэх 

• Татварын хувь хэмжээг бууруулах /33.6 хувь/
• Татварын буцаан олголт, хөнгөлөлт /19 хувь/
• Татварын хугацааг уян хатан болгох /16.05 хувь/
• Татварын орчныг сайжруулах /12.69 хувь/ 

  

Иргэдээс ирүүлсэн саналууд 

• Цалин нэмэгдүүлэх /багш, эмч, цагдаагийн цалин нэмэх/ -19 хувь
• Төсвийн үр ашгийг дээшлүүлэх /үр ашиггүй зардлыг танах, давхардсан төсвийн зарцуулалтыг зогсоох/ - 15 хувь
• Эрүүл мэндийн үйлчилгээ /хүртээмж, чанарыг сайжруулах, салбарыг төсвийг нэмэгдүүлэх/-14 хувь 
• Боловсролын салбар /боловсролын чанарыг ялгааг арилгах, сургууль, цэцэрлэгийн тоог нэмэгдүүлэх/ -12 хувь