Дулааны гуравдугаар цахилгаан станцад дахин дэлбэрэлт болсон гэх мэдээлэлтэй холбогдуулан Засгийн газрын бүрэн эрхт төлөөлөгч Н.Тавинбэх тайлбар хийлээ.
Н.Тавинбэх “Дулааны гуравдугаар цахилгаан станцад өнгөрсөн зургадугаар сарын 2-нд 50 МВт-ын хүчин чадалтай турбин, генератор дээр гэмтэл гарсан. Засгийн газраас уг осолтой холбоотойгоор үе шаттай шуурхай арга хэмжээ авч байна. Өнөөдрийн байдлаар энэ гэмтэлтэй холбоотой сэргээн босголтын дөрвөн ажлаас хоёр нь амжилттай дууссан.төлөвлөсөн ажлууд цагтаа хэрэгжвэл ирэх өвлийн оргил ачааллыг дулаан, цахилгааны хүндрэлгүй давах боломжтой." гэв.
Мөн тус цахилгаан станц насжилт өндөртэй учир технологийн саатал тогтмол гардаг. Наймдугаар сарын 1-нд нэг зууханд техникийн саатал гарсан. Энэ асуудлыг зарим хүн дотоодоос бичлэг хийж, сенсац үүсгэж байгаа нь туйлын зохимжгүй. Ослын үед тоног төхөөрөмжийг засварлаж, хүний амь, эрүүл мэндэд анхаарч нэгэндээ туслахын оронд бичлэг хийгээд гадагш зарж тарааж, буруу ойлголт төрүүлдэг хүн хамт олны дунд байх ёсгүй гэж бодож байна. Энэ үйлдлийг холбогдох байгууллагад шилжүүлж шалгуулахаар өгсөн." гэв.
Сэтгэгдэл (0)
Сэтгэгдэл бичигдээгүй байна