Монгол Улсын иргэдийн цахим ур чадварыг нэмэгдүүлэх, салбарын хүний нөөцийг бэлтгэх зорилгоор Төрийн цахим үйлчилгээний зохицуулалтын газраас өсвөрийн "ХУРДАН" клубийг байгуулж, өнөөдрийн байдлаар 2000 гаруй ахлах ангийн сурагчийг эгнээндээ нэгтгээд байна.
"ХУРДАН" клубийн гишүүд мэдээллийн технологийн чиглэлээр тогтмол сургалтад хамрагдаж, тэмцээн уралдаанд оролцож, нийгэм, эдийн засгийн бүхий л салбарт инновац хийх чадвартай "ЦАХИМ ЭЛЧ" болон бэлтгэгдэж байна.
Энэ хүрээнд Зүүн бүсээс сонгогдсон УИХ-ын гишүүдийн Нэгдсэн ажлын албатай хамтран “ЭРГЭХ ХОЛБОО CUP-2025” дрон жолоодлого, цахим спорт, илтгэлийн тэмцээнийг зургадугаар сарын 27, 28-ны өдрүүдэд Сүхбаатар аймагт амжилттай зохион байгууллаа.
Тэмцээнд Хэнтий, Дорнод, Сүхбаатар аймгийн өсвөрийн "ХУРДАН" клубийн гишүүдээс гадна зүүн бүсийн Ерөнхий боловсролын сургууль, Мэргэжлийн сургалт үйлдвэрлэлийн төв, Политехникийн коллежийн168 сурагч оролцож, ур чадвараараа өрсөлджээ.
Цаашид зүүн бүсэд хэрэгжүүлсэн энэхүү ажлыг улсын хэмжээнд үе шаттайгаар зохион байгуулахаар төлөвлөж байгаа гэж Төрийн цахим үйлчилгээний зохицуулалтын газрын дарга П.Батбаатар ярьсан байна.
Сэтгэгдэл (0)
Сэтгэгдэл бичигдээгүй байна