Ц.ТУВААН: АИ-92-ЫН ҮНЭ НЭМСЭН АСУУДЛААР ИРГЭДИЙН ШААРДЛАГАД ҮНДЭСЛЭН ШӨХТГ-Т ХАНДСАН

Аж үйлдвэр, эрдас баялгийн сайд Ц.Туваан шатахууны үнэ нэмэгдсэн асуудлаар сэтгүүлчдийн асуултад хариуллаа. 

Түүний хариултаас заримыг онцолвол. 

• -Үнийг 200 төгрөгөөр нэмсэн талаар Аж үйлдвэр, эрдэс баялгийн яаманд мэдэгдээгүй. Үнийн зөвлөл дээр тавдугаар сарын 5-ний өдөр ярилцаад тавдугаар сарын 25-ны өдөр дахиж уулзаж, нөхцөл байдлыг ярилцах шийдвэртэй байсан. Гэвч нефть импортлогч компаниуд энэ ярианаасаа буцаж гэнэт ийм шийдвэр гаргасан. Үүн дээр Аж үйлдвэр, эрдэс баялгийн яам, Үнийн зөвлөлөөс мэдэгдэл гаргасан. 
• -Гадаадаас импортолж байгаа бензиний үнэ нэмэгдээгүй. Дизель түлш дээр тонн тутамд 100 доллароор буурсан явцтай байхад та бүхэн үүнийг нэмэгдүүлж болохгүй гэж ярьсан. Амралтын өдөр гэлтгүй Үнийн зөвлөлийнхөн, энэ асуудлыг хариуцаж байгаа газрын дарга нар ажилласан. 
• -Импортлогч компаниудын зүгээс валютын ханш өссөн явдал нь АИ-92 бензиний үнэ дээр хүнд туссан. Тийм учраас үнээ нэмсэн гэж байгаа. Дизель түлшний үнэ 100 ам.доллараар буусан байхад та бүхэн түлшнийхээ үнийг, бусад АИ-965, 98 бензинийхээ үнийг буулгадаггүй юм бэ гэдэг асуултыг бидний зүгээс тавьсан. Үнийн зөвлөлийнхөн өнөөдөр албан ёсоор уулзана. 
• -Шунхлай компаниас эхлээд АИ-92-оос бусад төрлийн бензин, дизель түлшний үнийг 200 төгрөгөөр буулгасан шийдвэр гаргасан гэдгийг мэдэгдсэн. Яамны зүгээс үнэ нэмсэн асуудал дээр шууд авч хэрэгжүүлэх арга хэмжээ хомс байдаг. Бид зөвшилцөл байдлаар шийдвэрлэдэг, Үнийн зөвлөлөөс зөвлөмж гардаг ийм л зохицуулалт бий. 
• -Ард иргэдээс ирж буй шаардлага дээр үндэслэн Шударга өрсөлдөөн хэрэглэгчийн төлөө газарт хандсан. 
• -Улс төрийн нөхцөл байдал, ард түмний сэтгэл санаа ийм байгаа үед давхцуулах шаардлага байгаагүй гэж харж бид байгаа.  
• Ажлын цаг дууссан үед баасан гаригт нэмсэн. Ихэнх импортлогч компаниуд утсаа аваагүй. 
• -Нөөцийн хувьд хангалттай, сараас цааш хэмжээний нөөцтэй байгаа.
• Монгол Улс төрт улс, тиймээс УИХ-аас баталсан шийдвэр хэрэгжээд явах ёстой. Мега төслүүд дээр ямар нэг хүндрэл гарахыг үгүйсгэхгүй. Энийг аваад явахад нэлээд хүчин чармайлт, сэтгэл шаарддаг ажил. Сэтгэл шаардах ажил дээр гацаа гарахыг үгүйсгэхгүй.