Зэвсэгт хүчний 015 дугаар анги “Эх оронч Монгол-Их сэргэлтийн жил”-ийн хүрээнд “Бөртэ” ТӨААТҮГ, “Лантуун дохио” ТББ-тай хамтран хүүхэд залуучуудад эх оронч үзлийг төлөвшүүлэх зорилгоор эхлүүлж буй “Ид шидийн орон” төслийн анхны ажиллагааг Улиастай салбарын ''Ид шидийн орон" хүүхэд хамгаалал хөгжлийн төвийн Жижү-цү бөхийн дугуйлангийн 10-15 насны тамирчин хүүхдүүдийг оролцуулан нээлттэй өдөрлөгийг зохион байгуулжээ.
Тус өдөрлөгийн эхэнд ангийн захирагч хурандаа Ц.Батсайхан Эх оронч байх, түүнийг хайрлан хамгаалах нь иргэн бүрийн үүрэг гэдгийг онцолж, ангийн дайчин замнал, алдар гавьяаны талаар мэдээлэл өгсөн юм.
Энэ үеэр хүүхдүүдэд зэвсэглэл, тусгай хэрэгслийн үзэсгэлэнг дэлгэн үзүүлж, ангийн авьяаслагч цэргийн алба хаагчдын урлагийн хэсэгчилсэн тоглолтыг толилуулж, хугацаат цэргийн алба хаагчдын өдөр тутмын цагийн хуваарьт арга хэмжээнд хүүхдийг танилцуулах байдлаар оролцуулсан нь тэдний сонирхлыг ихэд татсан байна. Мөн хүүхдүүдийн дунд бүлгийн марш, тэдэнд мэдлэг олгох танин мэдэхгүйн асуулт хариултын тэмцээнийг явуулж, шилдгүүдийг тодруулжээ.
Сэтгэгдэл (0)
Сэтгэгдэл бичигдээгүй байна