Төв аймгийн Алтанбулаг сумын Ерөнхий боловсролын сургуулийн Н.Оюун-Эрдэнэ багштай 1а ангийн бяцхан сурагчид Зэвсэгт хүчний 119 дүгээр ангид 2025 оны тавдугаар сарын 2-ны өдөр саатлаа.
Төв аймгийн нийтийн номын сангийн “Номын сайн нөхөр” аяны хүрээнд бяцхан сурагчид тус ангийн “Хөгжлийн төв” буюу номын санд саатаж, дайчин алдрын танхим, хугацаат цэргийн алба хаагчдын байраар зочилсон байна. Бяцхан сурагчид цэргийн ах нарыг зурагтаар л харсан, кино дээр гардаг хэмээн ярилцаж, хөвгүүд нь том болоод цэргийн албанд мордохоо ам уралдан илэрхийлж байсан юм.
Зэвсэгт хүчний 119 дүгээр анги нь “Эх оронч Монгол-Их сэргэлтийн жил”-тэй уялдуулан сум орон нутагтаа цэргийн албыг сурталчлах, хүүхэд залуусыг эх оронч үзэл хүмүүжлээр төлөвшүүлэх сургалт, нөлөөллийн ажлыг тасралтгүй өрнүүлж байгаа билээ.
Энэ хүрээнд Алтанбулаг сумын Ерөнхий боловсролын сургуулийн сурагчдад цэрэг-эх оронч үзэл хүмүүжил олгох сургалтыг нэгдүгээр ангиас төгсөх анги хүртэл нь шатлан олгох сургалтын хөтөлбөрийг холбогдох байгууллагуудтай нь хамтран боловсруулахаар ажиллаж байна.
Сэтгэгдэл (0)
Сэтгэгдэл бичигдээгүй байна