Хошууч генерал Ч.Самбуугийн нэрэмжит Алтангадас одонт Зэвсэгт хүчний 119 дүгээр ангийнхан хугацаат цэргийн алба хаагчдын сургалтуудыг тусгай хөтөлбөр, төлөвлөгөөний дагуу явуулж байгаа бөгөөд үүнийг дагаад сургалтыг үр дүнтэй, хүртээмжтэй, шинэлэг арга хэлбэрээр зохион байгуулахад анхаарч байна. Жолооны В ангиллын дамжааг Ч.Батдорж даргатай “Номун баялаг” авто сургууль зохион байгуулж байгаа бол англи хэлний анхан шатны сургалтыг дэслэгч Б.Үнэнсайхан, монгол бичгийн сургалтыг ахлах ахлагч М.Мөнхчимэг,Э.Молор-Эрдэнэ нар удирдан явуулж байна.
Монгол бичиг, англи хэлний сургалтууд шувтрах талдаа орсон, суралцагч нарын идэвх оролцоо өндөр байсан, долоо хоног тутамдаа шалгалт авч, мэдлэгийг нь бататгасан талаар сургагч багш нар онцолжээ.
Суралцагчдын төлөөлөл болох түрүүч А.Бат-Орших, дэд түрүүч Ч.Гарьд, байлдагч Т.Сансар-Эрдэнэ нар цэргийн алба хаах хугацаандаа өөрийн мэдлэг чадвараа дээшлүүлж байгаад үнэхээр их баяртай байна. Халагдаад жолооны дамжаанд суралцана даа гэж бодож байсан минь цэргийн албанд ирснээр биеллээ оллоо. Англи хэлээр өөрийгөө чөлөөтэй танилцуулж, зохих түвшиндээ ярилцаж, кино үзэж, монгол бичгээр алдаагүй бичиж чаддаг болсноо бахархан өгүүлсэн байна.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна