Таван мянган км гүйхээр гараанаас гарсан ахлах ахлагч Э.Даваажамц, дэд ахлагч Б.Буянхишиг нар 19 дэх хоногтоо 800 гаруй км зам туулаад байна.
Батлан хамгаалах яамны "Алдар" спорт хорооны дарга, Монгол Улсын Хөдөлмөрийн баатар, Дархан аварга, хурандаа Г.Өсөхбаяр тэргүүтэй "Алдар"-ынхан тэднийг Говь-Алтай аймгийн Алтай хотод өнөөдөр /2025.04.20/ хүлээн авч, аян замдаа саадгүй гүйж, одоо үлдээд байгаа 4200 км замыг туулсных нь дараа дахин уулзахын болзоо тогтоожээ.
Г.Өсөхбаяр аварга цэргийн хүн спорт хоёр салшгүй холбоотой байх ёстойг онцолж, энэхүү зарчмыг биеэр үлгэрлэж яваа гүйгчдэд амжилт ерөөсөн байна. Мөн мянга мянган эмэгтэй цэргийн алба хаагчдыг төлөөлж яваа дэд ахлагч Б.Буянхишигийн тэсвэр хатуужил, эр зоригт онцгойлон баяр хүргэжээ.
Сэтгэгдэл (0)
Сэтгэгдэл бичигдээгүй байна