“Хааны эрэлд -2025” энхийг дэмжих ажиллагааны олон улсын сургуулийн төгсгөлийн шатны төлөвлөлтийн хурлыг энэ сарын 14-18-ны өдрүүдэд Улаанбаатар хотноо амжилттай зохион байгуулжээ.
Монгол Улсын Зэвсэгт хүчин, Энэтхэг-Номхон далай дахь АНУ-ын Хуурай замын цэргийн командлал хамтран олон үндэстний гар нийлэмжтэй ажиллагааг сайжруулах, сургуульд оролцогчдыг НҮБ-ын энхийг сахиулах ажиллагаанд үүрэг гүйцэтгэхэд бэлтгэх, энхийг дэмжих ажиллагааны чадавхыг нэмэгдүүлэх, бэлэн байдлыг дээшлүүлэх зорилготой тус сургуулийн төгсгөлийн шатны төлөвлөлтийн хуралд 10 гаруй улсын 60 гаруй төлөвлөгч, Батлан хамгаалахын атташе нар оролцсон байна.
Батлан хамгаалах яамны Гадаад хамтын ажиллагааны газрын даргын үүргийг түр орлон гүйцэтгэгч хурандаа Т.Наранхүү хаалтын ажиллагаанд хэлсэн үгэндээ цаашид Монгол Улс НҮБ-ын энхийг сахиулах ажиллагааны оролцоогоо гурав дахин нэмэгдүүлэхээр зорьж байгааг онцлон тэмдэглээд, хурлыг амжилттай зохион байгуулж, оролцсон нийт төлөвлөгчдөд талархал илэрхийлжээ.
Сэтгэгдэл (0)
Сэтгэгдэл бичигдээгүй байна