Монгол Улсын Засгийн газрын 2024–2028 оны үйл ажиллагааны хөтөлбөрийн нэг чухал бүрэлдэхүүн болох “Батлан хамгаалах сэргэлт” бодлого болон “Эх оронч Монгол–Их сэргэлтийн жил”-ийг хэрэгжүүлэх ажлын хүрээнд Зэвсэгт хүчний 167 дугаар ангийнхан хугацаат цэргийн албыг хааж буй түрүүч, байлдагч нартай В ангиллын жолооны сургалтыг энэ сарын 15-ны өдрөөс зохион байгуулж эхэллээ.
Тус сургалтаар хугацаат цэргийн алба хаагчид замын хөдөлгөөний аюулгүй байдал, тээврийн хэрэгслийн ашиглалт, техникийн анхан шатны мэдлэг, дадлага хослуулсан цогц мэдлэг эзэмшиж, цэргийн албанаас халагдсаны дараа жолоочоор ажиллах боломж нь нээгдэх юм.
Цаашид тус ангийн хамт олон нь хугацаат цэргийн алба хаагчдынхаа монгол бичиг, англи хэлний анхан шатны сургалтыг батлагдсан хөтөлбөрийн дагуу зохион байгуулахаар бэлтгэл ажлаа хангаад байна. Учир нь он гарсаар Өмнөговь аймгийн МСҮТ-тэй хамтран нийгэмд эрэлт хэрэгцээтэй 6 мэргэжлээр түрүүч, байлдагч нарыг сургаж байгаа бөгөөд удахгүй мэргэжилтэй дайчид болон сургуулиа төгсөх юм.
Сэтгэгдэл (0)
Сэтгэгдэл бичигдээгүй байна