Өмнөговь аймгийн Засаг даргын Тамгын газрын Цэргийн штаб, Боловсролын газар, Зэвсэгт хүчний 167 дугаар анги хамтран хүүхэд залуучуудад Зэвсэгт хүчний үйл ажиллагааг сурталчлах, цэргийн албатай танилцуулах, Батлан хамгаалах салбар, Зэвсэгт хүчинд итгэх итгэлийг бэхжүүлэх, сурагчдад мэргэжил сонгоход туслах, улмаар эх оронч үзлийг төлөвшүүлэх зорилгоор “Сурагчид хээрийн сургуульд” арга хэмжээг зохион байгуулжээ.
Даланзадгад сумын Ерөнхий боловсролын I-VII сургуулиуд, Технологийн дээд сургууль, Политехник коллежийн нийт 90 сурагч тус арга хэмжээнд оролцож, Зэвсэгт хүчний 167 дугаар ангийн байлдааны буудлагатай тактикийн хээрийн сургуулийг үзэж сонирхохын сацуу байлдааны зэвсэглэл техниктэй танилцаж, цэргийн хээрийн хоолыг амталсан байна.
Батлан хамгаалах салбараас дэвшүүлсэн 2025 оныг “Эх оронч Монгол-Их сэргэлтийн жил” болгон зарлаж, “Батлан хамгаалах тогтолцоонд сэргэлт хийж, эх оронч үзэлд суурилсан хүн төвтэй бодлого хэрэгжүүлж, үндэсний сөрөн тэсвэрлэх чадавхийг бэхжүүлнэ” гэсэн зорилгын хүрээнд уг арга хэмжээг зохион байгуулжээ.
Сэтгэгдэл (0)
Сэтгэгдэл бичигдээгүй байна