БНМАУ-ын баатар, ЗХУ-ын 4 удаагийн баатар, ЗХУ-ын маршал Г.К.Жуковын нэрэмжит Зэвсэгт хүчний 327 дугаар ангиас Дорнод аймаг дахь Ерөнхий боловсролын сургуулиудын ахлах ангийн сурагчдын дунд “Эх оронч Монгол-Үндэсний сөрөн тэсвэрлэх чадавх” сэдэвт сургалт, сурталчилгааны ажлыг зохион байгуулжээ.
Тус ангийн сургалтын офицер хошууч А.Манал сурагчдад ангийн товч танилцуулгыг хүргэж “Эр хүн та хугацаат цэргийн алба хаах үүрэгтэй” сэдвээр, ахлах дэслэгч Ц.Чимэддорж Зэвсэгт хүчний үүсэл хөгжлийн тухай мэдээлэл өгөхийн сацуу “Эх оронч Монгол-Үндэсний сөрөн тэсвэрлэх чадавх” сэдвээр яриа өрнүүлсэн байна. Мөн хөгжмийн салааны бүрэлдэхүүн урлагийн хэсэгчилсэн тоглолтоор, зэвсгийнхэн зэвсэглэл техникийн үзэсгэлэнгээр сурагчдад бэлэг барьжээ.
Энэ үеэр сурагчдад хугацаат цэргийн алба хаагчдын алба хааж буй орчин нөхцөлд зочлуулж, цэргийн байр, цэргийн гал тогоо, сургалтын танхимуудыг танилцуулсан юм.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна