Орон сууцны үнийн индекс 2025 оны 2 дугаар сард өмнөх оны мөн үеэс 12.7 хувиар өссөн байна.
Орон сууцны насжилтаар авч үзвэл, шинэ орон сууцны үнэ өмнөх оны мөн үеэс 7.4 хувиар, өмнөх сараас 0.2 хувиар өссөн бол хуучин орон сууцны үнэ өмнөх оны мөн үеэс 15.4 хувиар, өмнөх сараас 1.4 хувиар тус тус өсжээ.
2025 оны хоёрдугаар сард шинэ орон сууцны 1 метр квадрат талбайн дундаж үнэ 4.4 сая төгрөг болж, Сүхбаатар дүүрэгт хамгийн өндөр буюу 5.61 сая төгрөгийн үнэтэй байна. Шинэ орон сууцны дундаж үнэ өмнөх оны мөн үетэй харьцуулахад Сүхбаатар дүүрэгт 31.1 хувь (1329.9мянган төгрөг)-аар өссөн нь хамгийн өндөр, Хан-Уул дүүрэгт 3.9хувь (164 .8мянган төгрөг)-аар өссөн нь хамгийн бага байгаа аж.
Харин хуучин орон сууцны 1 метр квадрат талбайн дундаж үнэ 4.5 сая төгрөг болж, Сүхбаатар дүүрэгт хамгийн өндөр буюу 5.67 сая төгрөгийн үнэтэй байна. Хуучин орон сууцны дундаж үнэ өмнөх оны мөн үетэй харьцуулахад Чингэлтэй дүүрэгт 33.6 хувь (1371.4 мянган төгрөг)-аар өссөн нь хамгийн өндөр, Сонгинохайрхан дүүрэгт 12.6 хувь ( 336 .9 мянган төгрөг)-аар өссөн нь хамгийн бага байгаа юм.
Сэтгэгдэл (0)
Сэтгэгдэл бичигдээгүй байна