Улсын аварга шалгаруулах үсчин, гоо сайхан, хумс дизайн урлалын 26 дугаар Их наадам 44 жилийн дараа Дархан-Уул аймагт өнөөдөр эхэллээ.
Жижиг, дунд үйлдвэрийн газрын дарга Я.Эрдэнэсайхан тус арга хэмжээний нээлтэд ирүүлсэн УИХ-ын гишүүн, ХХААХҮ-ийн сайд Ж.Энхбаярын мэндчилгээг уламжлав.
Тэмцээнийг Монголын үсчин, гоо засалчдын анхдагчдын холбоо санаачилж Хүнс, хөдөө аж ахуй, хөнгөн үйлдвэрийн яам, Жижиг дунд үйлдвэрийн газар, Дархан-Уул аймгийн ЗДТГ, аймгийн Хүнс хөдөө аж ахуйн газрын дэмжлэгтэйгээр Улаанбаатар хот, 15 аймгийн 180 орчим оролцогч 23 төрөлд шилдгүүдээ шалгаруулахаар ур чадвараа сорин өрсөлдөж байгаа юм.
Дэлхийн болон тивийн тэмцээнд өндөр амжилт үзүүлсэн үсчин, гоо засалч, хумс засалчид хүрэлцэн ирж, үс болон гоо сайхны дэлхийн чиг хандлага, өвөрмөц урсгалуудыг Монголын үсчин, гоо сайхны үйлчилгээнд нэвтрүүлэх, туршлага солилцох,үсний шинэ загварын тайралт, самналт, сонгомол хэлбэржүүлэлт, хумс урлал, үйлчилгээний технологиос харилцан суралцах зорилготойгоороо энэ удаагийн тэмцээн онцлог болж байна.
Тив, дэлхийд эх орныхоо нэрийг дуурсгасан үсчин, гоо засалч, нүүр будагч, хумс засалч, шивээс, сормуус урлаач нар маань аваргын алтан цомын төлөө өрсөлдөж байна.
Сэтгэгдэл (0)
Сэтгэгдэл бичигдээгүй байна