Жижиг, дунд үйлдвэрийн газар болон Монголын Ажил Олгогч Эздийн Нэгдсэн Холбооны төлөөлөгчдийн уулзалт өнөөдөр /2024.11.28/ боллоо.
Уулзалтад Жижиг, дунд үйлдвэрийн газрын дарга Я.Эрдэнэсайхан, Монголын Ажил Олгогч Эздийн Нэгдсэн Холбооны дэд ерөнхийлөгч, гүйцэтгэх захирал Ч.Нанжидсамбуу болон албаны бусад хүмүүс оролцож, цаашдын хамтын ажиллагааны талаар хэлэлцжээ.
Мөн жижиг, дунд үйлдвэр, аж ахуйн нэгжүүдийг сургах, чадавхжуулах, зээл авсан аж ахуйн нэгжүүдийг Монголын Ажил олгогч Эздийн Нэгдсэн холбооны гишүүн аж ахуйн нэгжүүдтэй холбох, бараа бүтээгдэхүүний зах зээлийг тэлэх, уул уурхайн бус бүтээгдэхүүний экспортыг өсгөх зорилгоор хамтран дотоод, гадаадад үзэсгэлэн худалдаанд хамруулах, дэмжих, зэрэг өргөн хүрээтэй үйл ажиллагааг хамтран зохион байгуулах талаар санамж бичиг байгуулав.
Мөн Жижиг, дунд үйлдвэрийн газрын дэргэд салбарын эрдэмтэд, төрийн бус байгууллагын төлөөллийг оролцуулсан Эрдэмтдийн зөвлөлийг 2025 онд байгуулж, зөвлөгөө мэдээлэл авч байх талаар ярилцсан байна.
Сэтгэгдэл (0)
Сэтгэгдэл бичигдээгүй байна