Парисын олимпын наадмын хүндийг өргөлтийн эрэгтэйчүүдийн 89 кг-ын жинд Болгарын 20 настай Карлос Насар түрүүлж, алтан медаль зүүлээ.
Насар огцом, түлхэлттэй өргөлтийн нийлбэр дүн нь 404 кг-д хүрч, ойрын өрсөлдөгч Колумбын Енсон Лопесоос 14 кг-аар илүү гарсан юм.
Насар бол 17 настайдаа Дэлхийн аварга болж, дуулиан тарьсан залуу. Ээж нь болгар, аав нь ливан. Олимпын наадамд эхлээд огцом өргөлтөөр 180 кг-ыг өргөснөөр Лопестой тэнцүү дүнтэйгээр түлхэлттэй өргөлт рүү орсон.
Харин түлхэлттэй өргөлтийнхөө эхний захиалгад 213 кг-ыг өгч, түүнийгээ өргөснөөр Олимпын аварга болох болзлоо хангасан юм. Гэвч үүгээр сэтгэл ханалгүй Дэлхийн дээд амжилт тогтоохоор 224 кг-ыг захиалж, өргөж чадлаа.
Дашрамд сануулахад, өнөөдөр хүндийг өргөлтийн эмэгтэйчүүдийн 81 кг-ын жинд Мөнхжанцангийн Анхцэцэг медалийн төлөө гарах болно.
Сэтгэгдэл (0)
Сэтгэгдэл бичигдээгүй байна