Парисын олимпын наадмын дуулиан үргэлжилсээр байна. Эрх чөлөөт орон гэдгээ харуулахыг хүсч буй Франц улсын нийслэлд болж буй зуны олимпын наадмын боксын эмэгтэйчүүдийн 66 кг-ын жинд Алжирын Иман Хэлифийн өрсөлдөгч Италийн Анжела Карини хоёр цохиулсныхаа дараагаар сөхрөн сууж, нулимс унаган бууж өглөө. Тулаан эхлээд ердөө 45 секундын дараагаар ийнхүү бууж өгөв.
Иман Хэлиф нь хүйсээ солиулж эмэгтэй болсон трансжендер тамирчин юм. Түүнийг өнгөрсөн жилийн ДАШТ-ээс тестосторины хэмжээ хэтэрсэн хэмээн үзэж хасч байлаа. Өөрөөр хэлбэл, эр шинж нь давамгайлсан гэж үзсэн юм.
Тэгвэл энэ удаагийн Олимпын наадамд түүнийг оролцохыг зөвшөөрсөн нь том дуулиан дэгдээж, олны дургүйцлийг төрүүлсэн.
“Би эх орныхоо төлөө тэмцсээр ирсэн. Гэвч энэ удаад яагаад ч чадсангүй. Яаж ч хичээсэн тулааныг дуустал байж чадсангүй” хэмээн Анжела Карини нулимс унаган өгүүлжээ.
Иман Хэлифийг маш хүчтэй цохилттой гэж өмнө нь Мексикийн тамирчин бүсгүй Брианда Тамара өгүүлж байсан юм. 25 настай Хэлиф одоо наймдугаар сарын 3-нд дараагийн өрсөлдөгчтэйгээ тулах болно.
Сэтгэгдэл (0)
Сэтгэгдэл бичигдээгүй байна