Монголын боксын түүхэнд тодоор бичигдэх өдөр өнөөдөр болж магадгүй юм. Эмэгтэйчүүдийн 54 кг-ын жинд Дэлхийн аваргын хүрэл медальт Мөнгөнцэцэгийн Энхжаргал өнөөдөр Парисын олимпын шөвгийн наймд Дэлхийн аварга, Туркийн боксчин Хатисе Акбастай тулалдах болно.
Хатисе Акбас бол 2022 онд Туркийн Стамбулд буюу эх орондоо болсон ДАШТ-д түрүүлсэн тамирчин. Энэ жил Европын АШТ-ий шөвгийн дөрөвт Румыны Пирожецэд шүүгчдийн саналаар 3:2-оор хожигдож, хүрэл медаль хүртсэн.
Тэгвэл манай М.Энхжаргал олимпын өмнөх тулаандаа Пирожецийг шүүгчдийн саналаар 4:1-ээр ялж, шөвгийн наймд шалгараад байгаа билээ. М.Энхжаргалын тулааныг Олимпын албан ёсны цахим хуудаст 23:22 /Улаанбаатарын цагаар/-д эхэлнэ гэж тэмдэглэжээ.
М.Энхжаргалдаа түүх бүтээж, монголчуудынхаа магнайг тэнийлгэж, зорилгодоо хүрэхийн ерөөл дэвшүүлье!
Сэтгэгдэл (0)
Сэтгэгдэл бичигдээгүй байна