Хотын төв хэсэгт байрлах “Хангай” зочид буудлын асуудлаар Нийслэлийн Засаг даргын орлогч О.Номинчимэг мэдээлэл хийлээ.
Тэрбээр "Хангай” зочид буудалтай холбоотой хоёр асуудал байгаагийн нэг нь татвар, нөгөө нь аюулгүй байдал хангагдаагүй, гэмт хэрэг зөрчлийн үүр болж байна.Ардчилсан нийгэмд хүн хувийн өмчтэй байх эрхтэй ч татвараа төлдөг, мөн уг өмч нь бусдад аюултай орчин болох ёсгүй.
2010 оноос хойш Хангай зочид буудлын бүртгэлийн дугаар нь хоёр салсан байгаа. Доод талын хэсгийг "Буян"-гийн Б.Жаргалсайхан, "Номин"-гийн Т.Баярсайхан нарын хамтарсан компани эзэмшдэг. Гэтэл дээшээ 16 давхрын балгас болсон хэсэг нь тусдаа гэрчилгээтэй ч улсын татварын албанд бүртгэлгүй. Гучин жил татвар төлж ирээгүй.
Хотын төвийн байшингууд, жишээлбэл, Энхтайваны гүүрний урд байрладаг “Хаан” банкны байр гэхэд жилд 1.4 тэрбум орчим төгрөгийн татвар төлдөг. Гэтэл байршлын хувьд зэрэглэлийн хувьд өөр, энэ байшин бол яг хотын төвд байдаг. Татвараа төлөхгүй байхаар л яасан ч яах вэ, байж л байг гэсэн хандлагаар явж ирсэн байна.
"Хангай" зочид буудал гэмт хэрэг зөрчлийн үүр уурхай болоод байна. Сүүлийн 10 жилд 40 гаруй гэмт хэрэг, зөрчлийн мэдээлэл бүртгэгдсэн байна. Ихэнхдээ дотор нь орж хүмүүс архидаж байгаа. Энд харуул хамгаалалт байхгүй тул дураараа ороод архидаж, танхайрсан гэмт хэрэг гарч байна. Энэ оны дөрөвдүгээр сард ч ийм хэрэг бүртгэгдсэн.
Эзэмшиж байгаа хүнд нь татвараа нөхөж төл, хоёрдугаарт энэ балгасаа өөрчил, ашиглаж болох юм бол түүгээр нь ашигла, өнгө үзэмжийг нь сайжруул гэсэн шаардлага тавьж байна” гэлээ.
Сэтгэгдэл (0)
Сэтгэгдэл бичигдээгүй байна