Улаанбаатар-Дархан чиглэлийн авто зам шинээр засагдаж, ашиглалтад ороод удаагүй байгаа. Гэтэл тус замд эвдрэл үүсэж, машин зорчих боломжгүй нөхцөл байдал үүсээд байна.
Зам тээврийн хөгжлийн яам “Улаанбаатар-Дархан чиглэлийн 204.11 км авто замын өргөтгөл, шинэчлэн засварлах төслийн хүрээнд Европын сэргээн босголт, хөгжлийн банкны санхүүжилтээр хэрэгжүүлж буй хоёрдугаар багц буюу Хар модот давааны араас Урьхан хүртэл авто замын 80-81 км-т дөрвөлжин хоолойн буцаан дүүргэлтийн хэсэг суулт үүссэн. Одоогоор тус авто замын төсөл хэрэгжүүлэх нэгж, барилгын ажлын зөвлөх, гүйцэтгэгч компаниуд шуурхай арга хэмжээ авч, засварлаж, тэмдэг, тэмдэглэгээ тавьж, осол гэмтлээс хамгаалж, урьдчилан сэргийлэх арга хэмжээ авч ажиллаж байна.” гэж мэдээлсэн.
Албаны эх сурвалжийн хэлж буйгаар уг замын эвдэрсэн хэсгийг гурван өдөр хааж, засварлахаар болсон байна.
Сэтгэгдэл (0)
Сэтгэгдэл бичигдээгүй байна