Хүүхдийн төлөө үндэсний зөвлөлийн 2025 оны ээлжит хуралдаан болж, Хүүхэд хамгааллын хуулийн хэрэгжилт, тулгамдаж буй асуудал, цаашид хэрэгжүүлэх арга хэмжээнийхээ талаар хэлэлцэж, зөвлөлдлөө. Тус хурлаар Монгол Улсад 983 мянган өрх, 1.3 сая хүүхэд байгаагаас 13.200 хүүхэд эрсдэлт нөхцөл байдалд амьдарч байгаа, хүүхдийн тусламжийн 108 утсанд ирэх дуудлага 2024 онд өмнөх жилийнхээс 8.3 хувиар буурсан талаар мэдээлэхдээ цаашид хүүхэд хамгааллын хуулийн хэрэгжилтэд түлхүү анхаарч, хүн амын бүлгүүдийн онцлогт нийцсэн бодлого зайлшгүй хэрэгтэй байгаа талаар онцоллоо.
Мөн гэр бүлд суурилсан хүүхэд хамгааллын бодлогыг урт хугацааны баримт бичгүүддээ тусгаж, Гэр бүлийг дэмжих тухай хуулийн төслийг боловсруулж байгаа талаараа мэдээлэл солилцсон.
Түүнчлэн мэргэжилтнүүд болон холбогдох албаны хүмүүс Хүүхэд хамгааллын хуулийг шинэчилснээр хүүхдийн асаргаа, тэтгэмж, хамгааллыг сайжруулж, тогтвортой байдал, хүн амын өсөлтийг дэмжих, гэр бүлийн хөгжлийн цогц үйлчилгээний төвийг бүх аймаг, дүүрэгт ажиллуулах, хиймэл оюун ухаан, цахим хөгжлийг ашиглан хэрэгцээ шаардлагад нийцсэн нийгмийн үйлчилгээг нэвтрүүлэх ач холбогдолтойг тодотгосон юм.
Сэтгэгдэл (0)
Сэтгэгдэл бичигдээгүй байна