Орон сууцны үнийн индекс 2025 оны 11 дүгээр сард 1.37 болж, өмнөх оны мөн үеэс 12.7 хувиар, өмнөх сараас 1 хувиар тус тус өссөн байна.
Шинэ орон сууцны үнэ өмнөх оны мөн үеэс 11 хувиар, өмнөх сараас 1 хувиар, хуучин орон сууцны үнэ өмнөх оны мөн үеэс 13.9 хувиар, өмнөх сараас 1.2 хувиар тус тус өсжээ.
2025 оны 11 дүгээр сард шинэ орон сууцны 1 метр квадрат талбайн дундаж үнэ 4.97 сая төгрөг болж, Сүхбаатар дүүрэгт хамгийн өндөр буюу 5.9 сая төгрөгийн үнэтэй байна. Шинэ орон сууцны дундаж үнэ өмнөх оны мөн үетэй харьцуулахад Сонгинохайрхан дүүрэгт 6.9 хувь буюу 224.1 мянган төгрөгөөр өссөн нь хамгийн өндөр, Чингэлтэй дүүрэгт 0.2 хувь буюу 8 мянган төгрөгөөр өссөн нь хамгийн бага байгаа юм.
2025 оны 11 дүгээр сард хуучин орон сууцны 1 метр квадрат талбайн дундаж үнэ 4.97 сая төгрөг болж, Сүхбаатар дүүрэгт хамгийн өндөр буюу 5.95 сая төгрөгийн үнэтэй байна. Хуучин орон сууцны дундаж үнэ өмнөх оны мөн үетэй харьцуулахад Хан-Уул дүүрэгт 18.8 хувь буюу 878.7 мянган төгрөгөөр өссөн нь хамгийн өндөр, Баянгол дүүрэгт 10.2 хувь буюу 378.2 мянган төгрөгөөр өссөн нь хамгийн бага байгаа аж.
Сэтгэгдэл (0)
Сэтгэгдэл бичигдээгүй байна