Монголын боксын холбооноос жил бүр уламжлал болгон зохион байгуулдаг боксын насанд хүрэгчдийн улсын аварга шалгаруулах тэмцээн энэ сарын 13-18-ны хооронд Спортын төв ордонд зохион байгуулагдаж байна. Тус тэмцээний эрэгтэйчүүдийн төрөлд 10 , эмэгтэйчүүдийн төрөлд долоон жингийн аваргуудыг тодруулна. Монгол улсын гавьяат дасгалжуулагч В.Батбаярын нэрэмжит тус тэмцээнд өрсөлдөж буй 170 гаруй тамирчин Дэлхийн боксын холбооноос баталсан шинэ жингийн ангиллаар оролцож байгаагаараа онцлогтой. Энэ удаагийн тэмцээнд түрүүлсэн тамирчдаар шигшээ багийг бүрдүүлж, 2025 онд зохион байгуулах Азийн аварга шалгаруулах тэмцээн, дэлхийн аварга шалгаруулах тэмцээн болон олон улсын тэмцээнд оролцуулах юм. Тэмцээний аваргууд ирэх бямба гарагт тодорно.
Сэтгэгдэл (0)
Сэтгэгдэл бичигдээгүй байна