ТАКЭРҮФҮЖИ: НАСАН ТУРШДАА ХАРАМСАНА ГЭДГЭЭ МЭДЭЖ БАЙСАН ...



Японы Мэргэжлийн сумогийн 2024 оны Хару башё дуулиантай болж өнгөрлөө. Тэмцээний эхэнд түрүүлэх хамгийн өндөр магадлалтай бөхөөр Исэгахама дэвжээний ёкозүна Тэрүнофүжи Г.Ган-Эрдэнийг гэж олон хүн бодож байсан бол нөхцөл байдал хэний ч төсөөлөөгүйгээр эргэж, дээд зиндаанд анхны башёдоо барилдаж буй Такэрүфүжи түрүүлэв. Сонирхолтой нь Такэрүфүжи бол Тэрүнофүжи аваргын адил Исэгахама дэвжээний бөх.

24 настай, 183 сантиметр өндөр, 141 кг жинтэй Такэрүфүжи мэргэжлийн сумод ердөө 10 башё барилдахдаа таван зиндааг түүртэлгүй туулж, Макүүчид гарч ирсэн юм. 10 башёд нийтдээ 79 барилдаан хийхдээ 69 давж, 10 уналаа. Мөн зургаан зиндааны дөрөвт нь /жонокүчи, жонидан, жюүрёо, макүүчи/-д түрүүлээд амжлаа. Мөн Жонидан, Жонокүчи, Санданмэ, Жюүрёо зиндаанд тус бүр ганц башё барилдаад дэвшсэн бол Макүшитад дөрвөн башё барилджээ.


Түүний жинхэнэ нэргийн Ишиока Микиа гэнэ. Харин сумогийн нэр нь Такэрүфүжи Микиа. Зургаан настайгаасаа сумогоор хичээллэсэн энэ залуу Японы Эзэн хааны цомыг эхнийхээ дайралтаар авчихаад ярихдаа “Хэрвээ сүүлчийн өдөр барилдахгүй бол насаараа харамсана гэдгээ мэдэж байсан” гэжээ. Хэргийн учир нь 14 дэх өдрийн барилдаанд Асаноямад унахдаа шагайгаа гэмтээчихсэн юм. Бүр тэргэнцэр дээр түрүүлэн заалнаас гарсан. Гэмтчихсэн учир маргааш барилдах эсэхдээ эргэлзэж байтал дэвжээнийх нь бөх, ёкозүна Тэрүнофүжи “Чи чадна. Дахиад ийм боломж олдохгүй ч байж мэднэ шүү” гэжээ. “Тэр үгийг сонсмогц унтраалгын товчлуурыг дарахаар гэнэт асчихдаг шиг юм болсон. Хоёр дахь “Би” ч босоод ирэх шиг санагдсан. Гэнэт л зүгээр алхаад эхэлсэн. Үнэндээ өөрөө өөрөөсөө айсан шүү” хэмээгээд инээмсэглэжээ.


“Хэрвээ та бүхэн намайг дахиад гэмтэлтэй хэрнээ үүн шигээ барилдаарай гэвэл би яасан ч чадахгүй. Яагаад ч чадахгүй. Харин энэ удаад зөвхөн хүсэл тэмүүллийнхээ хүчээр л барилдаж, давлаа. Юу болоод байгааг ч үнэндээ төсөөлж мэдэхгүй л байна. Миний хамгийн дэврүүн мөрөөдлийг ч давсан үйл явдал боллоо” хэмээн Такэрүфүжи өгүүлжээ.
Түүнээс өмнө дээд зиндаанд дэвшсэн анхны башёдоо түрүүлсэн бөх байсан. Гэхдээ тэртээ 1914 онд буюу 110 жилийн өмнө юм. Бүтэн 110 жил шүү дээ! Тэгэхээр ямар гайхамшигтай амжилт вэ гэдэг нь ойлгомжтой биз ээ.
Гэхдээ дээд зиндааны 42 бөхийн хамгийн доогуур буюу маэгаширагийн 17 дээр бичигдэж барилдсан нь нөлөөлсөн байхыг бас үгүйсгэх аргагүй. Том цолтой бөхчүүд хэд хэдэн удаа унаж, түүнд түрүүлэх боломж олгосныг ч бас бодолцох ёстой. Тэрүнофүжи л гэхэд нурууны гэмтлийн улмаас башёг орхиж, өмнөх башёд ёкозүна цолны төлөө дайралт хийсэн озэки Киришимагийн барилдаан энэ башёд болж өгсөнгүй. Ямартай ч энэ удаагийн башё олон арван жилийн турш яригдах онцгой нэгэн амжилтаар ялгарлаа.
.
Р.Гэгээ


0
angry
0
care
0
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
УЛААНБААТАРТ ЦАС ОРНО, 8-10 ХЭМ ХҮЙТЭН 21 цагийн өмнө
МОНГОЛ БОЛОН АНУ-ЫН АГААРЫН ТЭЭВРИЙН САЛБАРЫН ХАМТЫН АЖИЛЛАГААГ ӨРГӨЖҮ… Өчигдөр
ХИЙМЭЛ ОЮУНЫ САЛБАРЫН ХУВЬЦААНЫ УНАЛТ ANTHROPIC-ИЙН АРИЛЖААНД СӨРГӨӨР … Өчигдөр
ИХЭНХ НУТГААР ЦАГ АГААР ТОГТУУН БАЙНА Өчигдөр
ТӨРӨӨС МӨНГӨНИЙ БОДЛОГЫН ТАЛААР 2027 ОНД БАРИМТЛАХ ҮНДСЭН ЧИГЛЭЛИЙГ УИ… 2026/11/20
У.СҮРЭНЖАВ ДЭЛХИЙН ХОШОЙ ХҮРЭЛ МЕДАЛЬТАН БОЛЛОО 2026/11/20
ЦАХИМ ОРЧИНД ЗАЙНААС НОТАРИАТЫН ҮЙЛЧИЛГЭЭ АВАХ ЗОХИЦУУЛТ ТУСГАСАН ХУУЛ… 2026/11/20
МОНГОЛ УЛСЫН ГУРВАН ХҮН ТУТМЫН НЭГ НЬ ХҮҮХЭД 2026/11/20
ANTHROPIC КОМПАНИЙН ХУВЬЦАА АНУ-ЫН ХӨРӨНГИЙН БИРЖИД АРИЛЖААЛАГДСАН ЭХН… 2026/11/20
С.БЯМБАЦОГТ: ПАРЛАМЕНТАД СУУДАЛТАЙ НАМУУДЫН ДАРГА НАРЫГ ОРОЛЦУУЛАН ОЙЛ… 2026/11/20
УЛААНБААТАРТ ЯЛИМГҮЙ ЦАС ОРНО, 4-6 ХЭМ ХҮЙТЭН 2026/11/20
У.ХҮРЭЛСҮХ: УЛС ТӨРИЙН АШИГ ХОНЖОО ОЛОХ ГЭСЭН БУЗАР САНААРХАЛД ЦЭГ ТАВ… 2026/11/19
ЭЗБХ: ТӨРӨӨС МӨНГӨНИЙ БОДЛОГЫН ТАЛААР 2027 ОНД БАРИМТЛАХ ҮНДСЭН ЧИГЛЭЛ… 2026/11/19
У.ХҮРЭЛСҮХИЙГ МОНГОЛ УЛСЫН ЕРӨНХИЙЛӨГЧИЙН ҮҮРЭГТ АЖЛААС НЬ ЧӨЛӨӨЛӨВ 2026/11/19
ЭЗБХ: САНХҮҮГИЙН ЗОХИЦУУЛАХ ХОРООНЫ ДАРГЫГ ҮҮРЭГТ АЖЛААС НЬ ЧӨЛӨӨЛӨХИЙ… 2026/11/19
ТӨВ, СЭЛЭНГЭ, ХЭНТИЙ, ДОРНОД, СҮХБААТАРЫН ЗАРИМ ГАЗРААР ЦАС ОРЖ, ШУУРН… 2026/11/19
Ц.САНДАГ-ОЧИР РИОГИЙН КОНВЕНЦУУДЫН УЯЛДАА ХОЛБООГ ШИНЭ ШАТАНД ГАРГАХЫГ… 2026/11/18
ЕРӨНХИЙ САЙД МОНГОЛБАНКНЫ ДЭВШҮҮЛСЭН МӨНГӨНИЙ БОДЛОГЫН ЦОГЦ ШИНЭЧЛЭЛИЙ… 2026/11/18
УЛААНБААТАРТ ЯЛИМГҮЙ ЦАС ОРНО, 6-8 ХЭМ ХҮЙТЭН 2026/11/18
АРИАНА ГРАНДЕ ГРЭММИЙН 4 НОМИНАЦИД НЭР ДЭВШСЭНДЭЭ СЭТГЭЛ НЬ ХӨДӨЛЖ, НУ… 2026/11/17
Их Уншсан
Д.НАЦАГДОРЖ: ХАРАНХУЙ ХАД 2026/11/17
БАРУУН БОЛОН ТӨВИЙН АЙМГУУДЫН НУТГААР ЦАС ОРЖ, ШУУРЧ, ИХЭНХ НУТГААР ХҮ… 2026/11/13
ГАЗАР ТАРИАЛАН, МАЛ АЖ АХУЙН ГАРАЛТАЙ БҮТЭЭГДЭХҮҮНИЙГ ЭКСПОРТЛОХОД ХАМ… 2026/11/12
ТӨРИЙН ҮЙЛЧИЛГЭЭНИЙ АЛБА ХААГЧДЫН ЦАЛИНГ 10 ХУВЬ, ЗАХИРГАА, ТУСГАЙ АЛБ… 2026/11/13
ОРОН НУТГИЙН ӨӨРӨӨ УДИРДАХ БАЙГУУЛЛАГАД НИЙТИЙН ӨРГӨДЛИЙН ЦАХИМ СИСТЕМ… 2026/11/13
УНГАРТ ОЙД БУЛЖ НУУСАН 19.5 САЯ АМ.ДОЛЛАРЫГ ХУРААН АВЧЭЭ 2026/11/15
ХЯТАДАД НИСДЭГ МАШИН ИРЭХ ЗУНААС ХЭРЭГЛЭЭНД НЭВТЭРЧ МАГАДГҮЙ 2026/11/11
ТАСРАЛТГҮЙ ХЯЛБАРЧИЛЖ, ҮР АШИГТАЙ БОЛГОХ ЧАРМАЙЛТ ДЭЛХИЙГ АЮУЛТАЙ БОЛГ… 2026/11/09
Л.ГАЛБААТАР, Ч.ХАНДДУЛАМ НАРЫН 20 ИРГЭНИЙГ ХЭҮК-ИЙН ГИШҮҮНИЙ СОНГОН ША… 2026/11/12
ЖЕЙМС БОНДЫН ДҮРД РОБЕРТ ПАТТИНСОН ТОГЛОЖ, 007-Г БҮТЭЭСЭН ДОЛОО ДАХЬ Ж… 2026/11/17
ДОЛОО ХОНОГИЙН ӨРНИЙН ЗУРХАЙ /2026.11.09-11.15/ 2026/11/09
ДОЛОО ХОНОГИЙН ӨРНИЙН ЗУРХАЙ /2026.11.16-11.22/ 2026/11/16
ТӨРӨӨС МӨНГӨНИЙ БОДЛОГЫН ТАЛААР 2027 ОНД БАРИМТЛАХ ҮНДСЭН ЧИГЛЭЛИЙГ УИ… 2026/11/20
ХИЙМЭЛ ОЮУНЫ САЛБАРЫН ХУВЬЦААНЫ УНАЛТ ANTHROPIC-ИЙН АРИЛЖААНД СӨРГӨӨР … Өчигдөр
ИХЭНХ НУТГААР ЦАГ АГААР ТОГТУУН, ДУЛААН БАЙНА 2026/11/10