Монголын Хуульчдын Холбоо, Нийслэлийн Засаг Даргын Тамгын Газартай хамтран иргэдийн эрх зүйн боловсролыг дээшлүүлэх хүрээнд хууль зүйн үнэгүй зөвлөгөө өгөх үйлчилгээг сар бүрийн гурав дахь долоо хоногийн лхагва гарагт үзүүлдэг. Нийслэлийн 9 дүүргийн Нэгдсэн үйлчилгээний төв дээр зохион байгуулагддаг энэхүү үйлчилгээ нь нийслэлийн иргэдийн эрх зүйн боловсролыг дээшлүүлэх, хууль зүйн мэдлэгийг нэмэгдүүлэх зорилготой. Хуульч газар дээр нь биечлэн зөвлөгөө өгдөг тус үйлчилгээнд хамрагдаж байгаа иргэд ихэвчлэн татвар, даатгал, гэр бүл, хөдөлмөрийн маргаантай холбоотой асуудлаар зөвлөгөө авдаг ба нэг өдөр ойролцоогоор 20-70 иргэн үйлчилгээ авдаг байна. Хууль зүйн үнэ төлбөргүй зөвлөгөөг иргэд өөрийн харьяа дүүргийн нэгдсэн үйлчилгээний төвөөс авах боломжтой ба тодорхой шалтгааны улмаас биечлэн ирэх боломжгүй иргэд Монголын хуульчдын холбооны 75050801, 75050803 гэсэн тусгай дугаарт шууд холбогдох боломжтой.
Сэтгэгдэл (0)
Сэтгэгдэл бичигдээгүй байна