2024 оны Латин Формейшн бүжгийн Дэлхийн аварга шалгаруулах тэмцээнд манай улсын "Moon Dance" хамтлаг амжилттай оролцож, хүрэл медаль, цомын эзэд болжээ.
"Moon Dance" хамтлаг үүсгэн байгуулагдсан цагаасаа эхлэн тус тэмцээнд арав дахь удаагаа тасралтгүй оролцсоноос сүүлийн гурван жилд мөнгөн медаль нэг удаа, хүрэл медаль хоёр удаа хүртсэн байна.
Өмнөх жилийн гарааны тамирчид 60 хувь шинэчлэгдэж, дараагийн үеээ бэлтгэсэн онцгой бүрэлдэхүүнтэйгээр тэд энэ тэмцээнд оролцжээ. Тус хамтлагийн талбай дээрх 16 тамирчны 5 нь дунд сургуулийн сурагчид байсан байна. Эдгээр хүүхдүүд 8, 9 настайгаасаа эхлэн бэлтгэл хийсэн бөгөөд анх удаа дэлхийн тайзан дээр гарч үүргээ амжилттай биелүүлсэн залуу тамирчдаараа бахархаж байгаагаа хамтлагийнхэн илэрхийлжээ. Үзүүлбэрийн хувьд Европын баг тамирчдаас ондоо, онцгой байсан гэдэгтээ итгэлтэй байгаагаа тэд цахим хуудастаа бичжээ.
Сэтгэгдэл (0)
Сэтгэгдэл бичигдээгүй байна