ЖДҮ-ИЙН ШАЛГАРУУЛАЛТЫН НАРИЙВЧИЛСАН ҮНЭЛГЭЭГ 63 ААН-Д ХИЙЖЭЭ

Жижиг, дунд үйлдвэрийг хөгжүүлэх сангаас 2024 онд нийт 12 тэрбум төгрөгийн хөнгөлөлттэй зээл авах хүсэлтийг Улаанбаатар хотын 63 аж ахуйн нэгж ирүүлжээ. Хөнгөлөлттэй зээл олгох төслийн сонгон шалгаруулалтын нарийвчилсан судалгааны шатны үнэлгээг хийх ажлын хэсэг  Жижиг, дунд үйлдвэрийн газрын даргын тушаалын дагуу 2024 оны 4 дүгээр сарын 11-17-ны өдрүүдэд дээрх аж ахуйн нэгжүүдийн төслийн үйл ажиллагаатай газар дээр нь танилцжээ.

Эдгээр аж ахуйн нэгжүүдийг дүүргээр жагсаавал

• Баянгол дүүрэгт-7
• Баянзүрх дүүрэгт-18
• Сонгинохайрхан дүүрэгт-15
• Сүхбаатар дүүрэгт-7
• Хан-Уул дүүрэгт-5
• Чингэлтэй дүүрэгт-5
• Төв аймгийн нутаг дэвсгэрт- 6 аж ахуйн нэгж тус тус хамрагдсан байна.

  

Төслийг шалгаруулалт журмын дагуу дөрвөн үе шаттай явагдана. Энэ үе шатанд аж ахуйн нэгжүүдийг 100 хүртэл оноогоор дүгнэх бөгөөд 70-аас дээш оноо авснаар Төсөл сонгон шалгаруулах хороо, дэд хороо (ТСШХ, ТСШДХ)-ны хуралд оролцох эрхтэй болно.