Улсын дээд шүүхийн Эрүүгийн хэргийн танхимын нийт шүүгчийн 2024 оны дөрөвдүгээр сарын 17-ны өдрийн хуралдаанаар Т.Бадамжунай, Э.Жаргалсайхан, Д.Баярсайхан, Д.Бямба-Очир нарт холбогдох хэргийг хяналтын шатны шүүх хуралдаанаар хэлэлцүүлэх эсэхийг шийдвэрлэхээр товложээ.
Дээд шүүхэд прокурор эсэргүүцэл бичсэнээс гадна Т.Бадамжунайгийн өмгөөлөгч Э.Эрдэнэхишиг, Н.Цэцэгмаа, шүүгдэгч Д.Бямба-Очирын өмгөөлөгч Б.Мөнхбат нар гомдол гаргасан байна.
Т.Бадамжунай нь эрх мэдэл, албан тушаалын байдлаа урвуулан ашиглах, хахууль өгөх, мөнгө угаах гэмт хэрэгт, Э.Жаргалсайхан мөнгө угаах, Д.Баярсайхан, Д.Бямба-Очир нар нь эрх мэдэл, албан тушаалын байдлаа урвуулан ашиглах тус тус холбогдсон юм.
Сүхбаатар дүүргийн Эрүүгийн хэргийн анхан шатны шүүхийн шүүгчийн захирамжаар “хэргийг буруу тусгаарласан”, “шүүх хуралдаанаар нөхөн гүйцэтгэх боломжгүй мөрдөн шалгах ажиллагааг хийлгэх” гэсэн үндэслэлүүдээр хэрэгт нэмэлт мөрдөн шалгах ажиллагаа хийлгэхээр прокурорт буцааж шийдвэрлэсэн.
Нийслэлийн Эрүүгийн хэргийн давж заалдах шатны шүүх прокурорын эсэргүүцлийн дагуу хэргийг хянан хэлэлцээд анхан шатны шүүхийн Т.Бадамжунай, Ц.Анандбазар нарын үйлдлийг нэгтгэн шийдвэрлэх талаар заасан хэсэг болон шүүгчийн захирамжид заагдсан ажиллагаануудаас заримыг нөхөн гүйцэтгэх шаардлагатай гэж үзэж, шүүгчийн захирамжийг хэвээр үлдээсэн. Мөн Т.Бадамжунайд холбогдох хэрэгт “хахууль авах” гэмт хэргийн шинж байгааг шалгах шаардлагатай гэж үзсэн юм.
Дээд шүүхийн Эрүүгийн хэргийн танхимын нийт шүүгчийн энэ лхагва гаригт болох хуралдаанаар уг хэргийг хяналтын шүүх хураллаанаар хэлэлцэх эсэхийг шийдвэрлэнэ.
Сэтгэгдэл (0)
Сэтгэгдэл бичигдээгүй байна