“S Outlet дэлгүүрийн талбайд нийт 4 барилга байснаас өнөөдрийн байдлаар 3 барилгыг нураасан. Өнөөдрийн байдлаар тус дэлгүүрийн 5 давхар барилгыг нураах ажил хийгдэж байгаа бөгөөд энэ сарын 15-ны дотор дуусах төлөвлөгөөтэй байна.” гэж Улаанбаатар хотын Ерөнхий менежер бөгөөд Захирагчийн ажлын албаны дарга Ц.Төрхүү мэдэгдэв.
Энэ барилгыг нурааснаар хоёр талдаа нийт 1.5 км үерийн даланг сэргээж босгох ажил эхлэх юм.
Мөн Сэлбэ голын үерийн хамгаалалтын далан хийх, сувагчлалын ажил үргэлжилж байна. Бид өнгөрсөн 2 дугаар сарын 15-наас эхлэн Сэлбэ голын мөсийг Туул гол руу зөөсөн. Энэ ч үүднээс хохирол багатай давж байна гэж үзэж байна. Өчигдөр буюу 4 дүгээр сарын 8-ны өдөр “Сэлбэ-Дунд голын үерийн хамгаалалтын барилга байгууламжийн угсралтын ажил”-ын тендерийг зарласан. Уг ажилд 9 тэрбум төгрөгийг төсөвлөсөн. Гэхдээ тендерт шалгарсан ААН ажлаа дуусгасны дараа мөнгийг нь олгохоор гэрээнд тусгасан гэлээ.
Харин “Сэлбэ” хотхоны оршин суугчдаас үерийн далангийн төсөвт өртөг болох 20 тэрбум төгрөгийг эсэргүүцэн мэдээлэл хийсэн байна.
"Сэлбэ-200" СӨХ-ны удирдах зөвлөлийн дарга Ш.Ганбаяр “Өмнө жил болсон үерийн улмаас гарсан хохирлыг 4 орчим тэрбум төгрөг гэж бид өөрсдөө тооцож байгаа. Тухайн үед хотын захиргаа үнэлгээ, дүгнэлт гаргаж өгнө гэсэн нь одоо хүртэл хийгдээгүй. Маш олон газарт бичиг ирсэн, албан ёсоор хариу ирсэн нэг ч удаа байхгүй.
Сэлбэ хотхон 460 орчим өрх, 2000 гаруй оршин суугчтай. Үерийн бүсэд 7000 шахам иргэд хохирсон гэдэг, аж ахуйн нэгжийг тооцвол замбараагүй юм болно.
Далан тавина гэж хэдэн жил яриад өнөөдрийг хүртэл ямар ч ажил хийгээгүй. Тиймээс эхлээд Сэлбэ голын урсцыг сайжруулаад өгөөч гэж байгаа юм. Эхлээд голын урсцыг сайжруулаад оршин суугчид биднийг айх аюулгүй болгоод өгөөч гэж л хүсэж байгаа. Даланг мянга янзлаад “S Outlet”-ийг нураахгүй бол нэмэргүй. Гурван агуулахыг нураасан. Харин "S Outlet" барилгыг нураагаагүй. Нурааж байгаа гэж ярьж байгаа ч байсаар л байна. Тэр нураасан гэж яриад байгаа нь дэлгүүр дотроо байгаа юмаа зарсан, түүнийг нь авч байгаа хүмүүс ирж нурааж буулгаж авч явсан. Тэрнээс нураах үйл ажиллагаа явагдаад байгаа юм биш.
Хотын ерөнхий менежер Ц.Төрхүү бид голыг нь тохижуулж өгөх гэж байхад оршин суугчид эсэргүүцлээ гэх зүйл ярьж байна. Нэг ч хүн эсэргүүцээгүй.
“S Outlet” барилгыг хурдан буулга. Одоо буулгаагүй барилгыг хэзээ буулгах вэ? Тэр барилгыг буулгачихвал Сэлбэ голын урсцыг өргөн болгоод, түвшинг нь доош ухах ёстой. Энэ мэт ажлаа хийхгүй байж далан барина гээд байх юм." гэж ярилаа.
Сэтгэгдэл (0)
Сэтгэгдэл бичигдээгүй байна