ОХУ-аас Сүхбаатар боомтоор 2026 оны наймдугаар сарын 7-нд 61 вагон буюу 3,448 тонн Аи-92 автобензин орж ирснийг шуурхай тээвэрлэн, буух өртөөд буюу Толгойт, Аршаант, Дархан, Эрдэнэт, Улаанбаатар өртөөдөд хүргэж, агуулахад буулгах ажлыг өнөөдөр /2026.08.08/ зохион байгуулж байна.
2026 оны наймдугаар сарын 1-нээс 7-ны өдрүүдэд Сүхбаатар боомтоор 15,158 тонн Аи-92 автобензин орж ирсэн бөгөөд Ангарскийн боловсруулах үйлдвэрээс 2026 оны наймдугаар сарын 4-ний өдөр ачигдсан 39 вагон буюу 2,241 тонн Аи-92 автобензин өнөөдөр /2026.08.08/ хилээр орж ирэх төлөвлөгөөтэй байна.
2026 оны наймдугаар сарын 6-ны өдөр ААН-үүдийн агуулахаас Улаанбаатар хотын 154 ШТС руу 1,200 тонн, орон нутгийн нийт 149 ШТС-руу 1,256 тонн Аи-92 автобензиний ачилт хийсэн.
Төмөр замын Сүхбаатар боомтоор Монгол Улсад импортоор орж ирсэн шатахуунтай вагоныг буух өртөөдөд тээвэрлэн хүргэх, буулгах, ШТС-ууд руу ачих ажлыг УБТЗ, Гаалийн байгууллага болон холбогдох байгууллагууд, импортлогч ААН-үүд хамтран 24 цагаар тасралтгүй шуурхай зохион байгуулан, бүхий л боломжит арга хэмжээ авч ажиллаж байна.
Сэтгэгдэл (0)
Сэтгэгдэл бичигдээгүй байна