Ж.МЯДАГБАДАМ: ИХ ГОВИЙН МАНААЧ БАРИМТАТ КИНО МААНЬ БОЛГАРААС АЛТАН ЦОМ ӨРГӨЛӨӨ

Eguur.mn сайтын эрхлэгч Ж.Мядагбадам болон түүний багийнхан "Их говийн манаач баримтат киногоор Олон улсын наадмын Алтан цом хүртжээ. 

Ж.Мядагбадам өөрийн цахим хаягтаа “Их говийн манаач” баримтат кино маань Болгараас АЛТАН ЦОМ өргөлөө.

Дэлхийн 130 орны 950 бүтээл өрсөлдсөн кино наадмын баримтат кино төрөлд хамгийн ховор анхдагч экосистемийг шинжлэх ухаан болон дүрслэлийн өндөр түвшинд харуулж, уур амьсгалын өөрчлөлтийн эсрэг дуу хоолой болсон" -ны учир "Их говийн манаач" (The Guardian of the Great Gobi) бүтээлд "Алтан Мазаалай" (Golden Mazaalai of the Altai Gobi Award) нэршлээр алтан цомоо гардуулав.

Киноныхон гэж нэг шаагилдсан улсууд ирээд, эртний энэ хотод алтан цомоо өргөцгөөдөг аж.

Монголын их говийн үзэсгэлэн, үнэр төгс ахуй орчинг байгаль хамгаалагч, эрдэмтэн судлаач, буйд ганцаардмал мазаалайтай нь хамтатган дэлгэцэнд мөнхөлж, олон улс анхааран харах бүтээл зангидсан, миний алтан хамтрагч, найруулагч Э.Ган-Очиртоо баяр хүргэе.

Төсөлд гар бие, сэтгэл зүрхээ зориулан ажилласан, зөвлөсөн, дэмжсэн хүн бүхэнд мэхийе. Eguur News багтаа баярлалаа.

Шагнал авч байхдаа намайг уйгагүй зөрүүд болгон өсгөсөн аав, ээжээ хамгийн их бодлоо. Мазаалай төслөө монголд тайлагнангуутаа долоо хоногийн дараа л дүн өвлийн хүйтнээр “Хавтгай” баримтат киноны зураг авалтыг говьд эхлүүлснээ бодов.

Хэвлэл мэдээллийн салбараас байгаль орчны сэдэвт баримтат киноны ай савд олон улсын шагнал авч, цом өргөх өндөр их замыг илгээсэн амь сүнс төгөлдөр Их говьдоо сүсэлж байна" гэж бичсэн байна.