ДОЛДУГААР САРЫН 3,4-НД НУТГИЙН ХОЙД ХЭСГЭЭР БОРООШИЖ, БАГА ЗЭРЭГ СЭРҮҮСНЭ

Ойрын арав хоногт цаг агаар ямар байх талаар Цаг уур, орчны шинжилгээний газраас гаргасан мэдээллийг танилцуулж байна. 

2025 оны 6 дугаар сарын 30-наас 7 дугаар сарын 9-нийг хүртэлх 10 хоногийн цаг агаарын урьдчилсан төлөв:

7 дугаар сарын 3, 4-нд нутгийн хойд хэсгээр бороошиж, бага зэрэг сэрүүсэх боловч бусад хугацаанд ихэнх нутгаар аагим халууд өдрүүд үргэлжилж, халалттай холбоотой гэнэтийн дуу цахилгаантай түр зуурын аадар бороо, аянга, цахилгаан, нөөлөг салхи, мөндрийн аюулаас сэрэмжтэй байхыг анхааруулж байна.

Хур тунадас: 30-нд баруун, төв, говийн аймгуудын нутгийн зарим газар, зүүн аймгуудын ихэнх нутгаар, 07 дугаар сарын 01-нд баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зүүн хэсгээр, 02-нд баруун аймгуудын нутгийн зарим газар, төвийн аймгуудын нутгийн баруун хэсгээр, 03-нд баруун болон төвийн аймгуудын ихэнх нутаг, говь болон зүүн аймгуудын нутгийн зарим газраар, 04-нд нутгийн төв хэсгээр, 05-нд Хангайн уулархаг нутгаар, 07-нд Алтайн уулархаг нутгаар, 08-нд Хангай, Хөвсгөлийн уулархаг нутгаар, 09-нд Хэнтийн уулархаг нутгаар бороо, дуу цахилгаантай аадар бороо орно. 

Салхи: Ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ. 

Агаарын температур: 7 дугаар сарын 03, 04-нд нутгийн хойд хэсгээр бага зэрэг сэрүүсэх боловч бусад хугацаанд ихэнх нутгаар аагим халууд өдрүүд үргэлжилж Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр шөнөдөө +8...+13 градус дулаан, өдөртөө +22...+27 градус, говийн бүс нутаг, Орхон-Сэлэнгийн сав газар болон Дорнод-Дарьгангын тал нутгаар шөнөдөө +18...+23 градус, өдөртөө +34...+39 градус, бусад нутгаар шөнөдөө +13...+18 градус, өдөртөө +26...+31 градус дулаан байна. 

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 03, 06-нд бороо орно, дуу цахилгаантай. 

Салхи: Ихэнх хугацаанд секундэд 5-10 метр, борооны өмнө салхи түр зуур ширүүснэ.

Агаарын температур: 03, 04-нд бага зэрэг сэрүүсэж, шөнөдөө +9...+14 градус, өдөртөө +20...+25 градус дулаан, бусад хугацаанд халж, шөнөдөө +13...+18 градус, өдөртөө +25...+30 градус дулаан байна.