Төрийн цахим үйлчилгээний зохицуулалтын газраас “Бүтээлч иргэний Дижитал шилжилт” сургалтыг Өмнөговь аймгийн Даланзадгад хотод хоёрдугаар сарын 20, 21-ний өдрүүдэд зохион байгуулж байна.
Мэргэжлийн ур чадвартай ажилтан, мэргэжилтнүүдийг ахлах ангиас эхлэн бэлтгэх зорилгын хүрээнд салбарын ирээдүйн хүний нөөцийг бэлтгэх, цахим орчинд хариуцлагатай, соёлтой, аюулгүй оролцох чадвартай болгох, цахим ур чадварыг дээшлүүлэх чиглэлээр зохиож буй уг сургалтад Даланзадгад хотын ерөнхий боловсролын 6 сургууль, политехникийн коллеж, ШУТИС-ийн салбар сургуулийн сурагчид хамрагдаж, “Миний кодын эхлэл” хакатонд оролцож байна.
Төрийн цахим үйлчилгээний зохицуулалтын газар нь өнгөрсөн хугацаанд Бүх нийтийн цахим ур чадварын гурван шатны сургалтыг улс орон даяар амжилттай зохион байгуулж, 90 мянга гаруй хүнд цахим хэрэглээний талаар мэдлэг олгосон.
Харин энэ удаад “Мэдээлэл, технологийн үндэсний парк”, “Боловсролын ерөнхий газар”-тай хамтран Өмнөговь аймгийн Засаг даргын тамгын газар, Монгол Улсын Их сургуулийн дэмжлэгтэйгээр дөрөвдүгээр шатны сургалтаа ийнхүү хийж байна.
Сэтгэгдэл (0)
Сэтгэгдэл бичигдээгүй байна