Зуун буудалт даамын 2025 оны насанд хүрэгчдийн улсын аварга шалгаруулах тэмцээнд оролцох тамирчдыг тодруулах хагас шигшээ шатны тэмцээнд эрэгтэй 154 тамирчин, эмэгтэй 96 тамирчин өрсөлджээ. Тус тэмцээнд эрэгтэйчүүд 10, эмэгтэйчүүд 9 өрөг тоглож оюун ухаанаа сорьсноос эмэгтэй 8, эрэгтэй 8 тамирчин шалгарч, шигшээ тэмцээнд оролцох эрхээ авсан байна. Шигшээ тэмцээнд оролцох тамирчдаар эрэгтэйчүүдээс спортын мастер Чойсүрэн, Олон Улсын их мастер Р. Манлай, Олон Улсын их мастер Б.Мөнхжин , спортын мастер Т.Энхсүлд, дэлхийн даамны спортын их мастер Н.Түвшинбаяр, спортын мастер Ц.Эрдэмбилэг, дэлхийн даамын холбооны дэд мастер Г.Санчир, спортын дэд мастер Д.Дамдинпүрэв, эмэгтэйчүүдээс дэлхийн даамны спортын мастер Э.Даариймаа, Б.Анужин, спортын мастер Тамир, дэлхийн даамны холбооны дэд мастер Э.Энххүслэн, Нарантуяа, спортын дэд мастер Дэлгэрмөрөн, Оюунгэрэл, спортын мастер Ч.Гоомарал нар шалгарчээ. Зуун буудалт даамын улсын аварга шалгаруулах шигшээ тэмцээн 2025 оны 07 дугаар сарын 14-20-ны өдрүүдэд Увс аймагт болно. Хагас шигшээ тэмцээнд шалгарсан эрэгтэй 8, эмэгтэй 8 тамирчин бүсийн тэмцээнүүдэд түрүүлсэн эрэгтэй 5, эмэгтэй 5 зохион байгуулагч Увс аймгаас эрэгтэй1, эмэгтэй 1 тамирчин нэмэгдээд шигшээ тэмцээнд нийт эрэгтэй 14, эмэгтэй 14 тамирчин өрсөлдөхөөр болжээ.
Сэтгэгдэл (0)
Сэтгэгдэл бичигдээгүй байна