УИХ-ын гишүүн, Эдийн засгийн байнгын хорооны дарга Р.Сэддорж тэргүүтэй УИХ-ын ЭЗБХ-ны гишүүд “Тавантолгой төмөр зам” ХХК-ийн Гашуунсухайт өртөөн дээр 2025 оны нэгдүгээр сарын 18-ны өдөр ажиллажээ.
Тодруулбал, УИХ-ын гишүүн Л.Соронзонболд, М.Мандхай, Б.Мөнхсоёл, Б.Жаргалан, Д.Энхтуяа, М.Энхцэцэг, Н.Батсүмбэрэл, М.Бадамсүрэн нарын гишүүд “Тавантолгой төмөр зам” ХХК-ийн Гашуун сухайт өртөө болон хилийн зурвастай танилцсан байна.
Энэ үеэр Тавантолгой ХХК-ийн газрын дарга Б.Батбаяр тэргүүтэй хамт олон гишүүдэд Гашуунсухайт өртөө, Шилжүүлэн ачих терминалын үйл ажиллагаа болон, Гашуунсухайт-Ганцмод боомтын хил холболтын төслийн ТЭЗҮ-г танилцуулжээ. “Тавантолгой төмөр зам” ХХК төслийн ТЭЗҮ-г боловсруулж дууссан. Энэ оны хоёрдугаар улиралд багтаан барилгын ажлыг эхлүүлэхээр ажиллаж байгааг энэ үеэр танилцуулгадаа онцолсон байна.
УИХ-ын чуулганаар Гашуунсухайт-Ганцмод боомтын хил холболтын төслийг удахгүй хэлэлцэх юм. Тиймээс холбогдох байнгын хорооны гишүүд Засгийн газраас хэрэгжүүлэх 14 мега төслийн нэгдүгээрт эрэмбэлэгдсэн тус төслийн талаар газар дээр нь очиж танилцан төмөр замын бүтээн байгуулалтыг үзэж, тодорхой мэдээллүүдийг авсан байна.
Сэтгэгдэл (0)
Сэтгэгдэл бичигдээгүй байна