БНСУ-ын Пёнчан хотын гүйлтийн цанын насанд хүрэгчдийн улсын аварга шалгаруулах нээлттэй тэмцээнд манай тамирчин Б.Ачбадрах хос алтан медалийн болзол хангажээ. Тэрбээр тэмцээний эрэгтэйчүүдийн сонгомол 15 км-ын зайг 46:07.9 минутад туулснаар бусад тамирчдаа тэргүүлж, тэшилтийн 30 км-ын зайг 1:19.05 цагт туулсан амжилтаараа мөн хошуучилж хоер зайд аваргалсан байна. Түүний хувьд 2024 онд тус тэмцээнээс мөнгөн медаль хүртэж байсан бол энэ жил амжилтаа ахиулан хошой алтан медальтан боллоо. Б.Ачбадрах БНХАУ-ын Харбин хотод ирэх сарын 7-нд эхлэх Азийн өвлийн спортын наадамд оролцохоор бэлтгэл сургуулилтаа хангаж байгаа ба гүйлтийн цанын “Б” зэрэглэлийн ДАШТ-ээс хүрэл медаль хүртсэн Монгол Улсын анхны тамирчин юм.
Сэтгэгдэл (1)