Жүдо бөхийн 11 дэх удаагийн насанд хүрэгчдийн улсын аварга шалгаруулах тэмцээн Монгол бөхийн өргөөнд эхэллээ. “Лос Анжелес-2028” зуны олимпын наадмын мөчлөгийн салхийг хагалах тус тэмцээнд 47 клубийн тамирчид оролцож байгаа бөгөөд эрэгтэйчүүдийн 48, эмэгтэйчүүдийн 33, багийн 313 тамирчин өрсөлдөх юм. Энэ удаагийн жүдо бөхийн тэмцээн олон улсын жүдо бөхийн холбооноос баталсан шинэ дүрмээр зохион байгуулагдаж байгаагаараа онцлогтой. Эхний өдөр буюу өнөөдөр /2025 оны 01 дүгээр сарын 10/ эрэгтэйчүүдийн 73, 90, -100, +100, эмэгтэйчүүдийн 57кг, 70, -78, +78 кг-ын жингийн барилдаан болж, аваргуудаа тодруулна. Маргааш буюу /2025 оны 01 дүгээр сарын 11/ эрэгтэйчүүдийн 60, 66, 81, эмэгтэйчүүдийн 48, 52, 63 кг-ын жингийн тамирчдын, ням гарагт /2025 оны 01 дүгээр сарын 12/ холимог багийн барилдаан болох аж.
Сэтгэгдэл (0)
Сэтгэгдэл бичигдээгүй байна