Мөсөнд авиралтын дэлхийн цомын аварга шалгаруулах цуврал тэмцээн энэ сарын 10-13-нд БНСУ-ын Чонсон хотод болно. Тус тэмцээний хурдны төрөлд Ч.Мандахбаяр, Н.Хэрлэн, Н.Сэлэнгэ, Ж.Амина, Б.Мөнхбаатар, А.Зоригтбаатар нар өрсөлдөх бол хурд, техникийн төрөлд О.Сайханжаргал, Б.Баярмаа нар өрсөлдөх юм.
Манай тамирчид Чонсон хотод зохион байгуулагдах тэмцээний дараа 01 дүгээр сарын 15 -16-нд Улаанбаатар хотод болох насанд хүрэгчдийн улсын аварга шалгаруулах тэмцээнд 01 дүгээр энэ сарын 23-25-нд Швейцарын Саас-Фийд хотод болох тэмцээнд өрсөлдөх ба үргэлжлүүлэн Францын Шампайн эн Вануэз, АНУ-ын Лонгмонт, Канадын Эдмонтон хотод болох цуврал тэмцээнд оролцох ажээ.
Олон улсын уулчдын холбооноос мөсөнд авиралтын дэлхийн цомын цуврал тэмцээнийг 2000 оноос зохион байгуулж эхэлсэн бөгөөд цуврал тэмцээнд тус холбоонд гишүүнчлэлтэй 25 орны 150 гаруй тамирчин хурд хүч, авхаалж самбаагаа сорих юм.
Сэтгэгдэл (0)
Сэтгэгдэл бичигдээгүй байна