Монголын уулын спортын түүхэнд нэрээ мөнхөлсөн уулчин Ц.Өсөхжаргал, уулын спортын дэд мастер уулчин Л.Пүрэвсүрэн нарт олон улсын хэмжээний мастер цолыг нэхэн олгох талаар Монголын уулчдын үндэсний холбооны Удирдах зөвлөл 2024 оны 12 дугаар сарын 24-ний өдөр зохион байгуулсан цахим хурлаараа хэлэлцсэн байна. Эрэлхэг зоригтой, дайчин цуцашгүй чанараараа мянга , мянган уулчдын бахархал болсон Ц.Өсөхжаргал, Л.Пүрэвсүрэн нарын Монголоос анх удаа шерпагүй бие даан авиралт хийснийг үнэлж, тэдэнд Олон улсын хэмжээний мастер цолыг нэхэн олгох шийдвэрийг Монголын Уулчдын үндэсний холбооны удирдах зөвлөлийн гишүүд баталсан байна.
Сэтгэгдэл (0)
Сэтгэгдэл бичигдээгүй байна